web counter
LEXO PA REKLAMA!

SHKARKO APP

App Store
Google Play

E fundit!

x

Kapet nga RENEA vrasësi i trefishtë i masakrës në Vlorë. Ja kush është autori

20 Janar 2017, 08:36, Aktualitet CNA

 

Pas tre vitesh në arrati, policia e Vlorës ka arrestuar të shumëkërkuarin për vrasje të trefishtë, e të dënuar në mungesë me burgim të përjetshëm. Bëhet fjalë për shtetasin Delin Hajdaraj, 26 vjeç, banues në Vlorë. Ai akuzohet për masakrën në plazh, që i mori jetën Sokol Isufajt, 34 vjeç, Serdi Bajlozit, 17 vjeç dhe 53­ vjeçares Diana Ademi.

Si ndodhi masakra në plazh?

I riu me banim në Vlorë, akuzohet për vrasjen e Sokol Isufajt, 34 vjeç, nga Roskoveci i Fierit, Diana Ademit, 53 vjeçe, nga Vlora, por banuese në Gjermani me familjen prej 20 vitesh, dhe 17-vjeçarit nga Përrenjasi, Serdi Bajlozi. Të tre viktimat ishin të pafajshme në konfliktin që Hajdaraj dhe shoku i tij, Leo Osmeni, tashmë i burgosur, kishin me një grup të rinjsh nga Fieri.

Shkak ishte ngacmimi i motrës së Osmenit, edhe ky me precedentë penalë. Grindja në lokalin e resortit turistik përfundoi në përdorimin e armës. Hajdaraj, i informuar për grindjen, ka mbërritur me një makinë, e pa u interesuar për shënjestrën ka qëlluar nga distanca e afërt me breshëri, tek shkallët, duke lënë në shezlon tre pushues të vdekur.

Kush ishin viktimat e pafajshëm

Sipas dëshmive nga personat në vendngjarje, pas krimit dy të rinjtë janë arratisur me një fuoristradë, por një prej tyre u kap pak orë pas ngjarjes. Në polici u shoqëruan edhe dy pronarët e resortit, që nuk denoncuan për sherrin në lokal mes të rinjve.

Fillimisht u deklarua se autorët kishin objektiv të riun Sokol Isufaj, nga Roskoveci, por më pas u sqarua se edhe ai ishte viktimë e pafajshme. Diana Ademi kishte ardhur me pushime në Vlorë, atë ditë ishte e vetme në plazhin e Kalasë dhe Serdi Bajlozi gjendej tek të afërmit në Ujin e Ftohtë për pushime. Policia arrestoi Leo Osmanin dhe gjykata e la në burg si bashkëpunëtor dhe iniciator i tragjedisë. /CityNews/

 





Lajmet e fundit nga