web counter
LEXO PA REKLAMA!

SHKARKO APP

App Store
Google Play

E fundit!

x

John Kerry lë sot detyrën, Bushati: Çimentoi marrëdhëniet Shqipëri-SHBA!

20 Janar 2017, 10:51, Aktualitet CNA

Ministri i Jashtëm, Ditmir Bushati, i ka përcjellë falënderimet më të përzemërta Sekretarit Amerikan të Shtetit, John Kerry, i cili sot pritet të dorëzojë detyrën me ardhjen e presidentit të ri, Donald Trump.

Në mesazhin e tij, ministri Bushati e falënderon Kerry-n për përkushtimin e dëshmuar në çimentimin e partneritetit strategjik ndërmjet Shqipërisë dhe SHBA.

Ndërsa shpreh besimin se dhe administrata e Trump do vijojë angazhimin amerikan në këtë kënd të Evropës, si garancia e vetme për të intensifikuar më tej kursin euro-atlantik të rajonit.

?Teksa Sekretari Amerikan i Shtetit John Kerry lë detyrën, dëshiroj ta falenderoj përzemërsisht për përkushtimin e dëshmuar në çimentimin e partneritetit strategjik ndërmjet Shqipërisë dhe Shteteve të Bashkuara të Amerikës, sikundër për angazhimin e tij dhe të administratës së Presidentit Barack Obama për konsolodimimin e proceseve demokratizuese dhe forcimin e sigurisë në Europën Juglindore. Jam besimplotë se Sekretari ri i Shtetit, Rex Tillerson, dhe administrata e Presidentit Donald J. Trump do të vijojnë angazhimin amerikan në këtë kënd të Europës, si garancia e vetme për të intensifikuar më tej kursin euro-atlantik të rajonit?, shkruan Bushati.





Lajmet e fundit nga