web counter
LEXO PA REKLAMA!

SHKARKO APP

App Store
Google Play

E fundit!

x

Dekriminalizimi- Hetimet e Prokurorisë/ Zbulohet emri i deputetit socialist

20 Janar 2017, 10:36, Aktualitet CNA

Disa media kanë raportuar dje se prokuroria ka gati 3 emra të tjerë, të cilët do ti propozohen KQZ-së për heqjen e mandatit për shkak se nuk kanë deklaruar veprat penale në formularin e vetë-deklarimit.

Gazetarja Klodiana Lala tha dje se një deputet nga radhët e mazhorancës po hetohet nga prokuroria, përkatësisht nga sektori i dekriminalzimit.

Mësohet se verifikimet qe po kryhen janë në një fazë të thelluar, pasi informacionet e siguruara deri në këtë moment, duket se e kanë bindur prokurorinë të ndërmarrë hapa te mëtejshëm.

Portali ?Pamfleti? bëri me dije mbrëmjen e djeshme se në sitën e prokurorisë janë edhe deputeti i PD Flamur Noka, i LSI Gledion Rehovica dhe i PDIU Aqif Rakipi. Gjithashtu, në ikje është edhe kryebashkiaku i Krujës Artur Bushi, i akuzuar shpesh nga opozita.

Ndërkohë, mësohet se përtej informacioneve të dhëna nga mediat, një nga personat që po hetohet dhe verifikohet nga prokuroria është edhe deputeti i Partisë Socialiste Artan Gaçi.

Për momentin nuk ka asnjë të dhënë, pasi organi i akuzës i konsideron informacionet si sekret hetimor, por mësohet se Gaçi është një prej deputetëve të shumtë që po hetohet në kuadër të dekriminalizimit.

Prokuroria ka nisur hetimin për një numër të madh deputetësh, por vetëm disa prej tyre do të konkretizohen dhe do ti dërgohen KQZ-së me kërkesën për heqjen e mandatit.

Organi i akuzës është kujdesur në rastin e parë që të kërkojë papajtueshmëri të mandatit për deputetë nga qeveria dhe opozita. E njejta strategji pritet të ndiqet edhe në rastet e tjera./Citynews





Lajmet e fundit nga