web counter
LEXO PA REKLAMA!

SHKARKO APP

App Store
Google Play

Meta thumbon Ramën/ Koalcioni PS-LSI nuk do ishte bërë nëse do gjykohej për çështje personale

17 Janar 2017, 20:49, Aktualitet CNA

Kryetari i Kuvendit Ilir Meta, ishte sot i ftuar në emisionin ?Studio e Hapur? të gazetares Eni Vasili, ku foli për disa çështje të nxehta politike.

I pyetur nga gazetarja për një gjykim mbi marrëdhëniet personale midis tij dhe kryeministrit Edi Rama, Meta tha se nëse do të ishte për çështje personale, ky koalicion nuk do ishte bërë kurrë.

Gazetarja: Ka pakënaqësi që ju nuk jeni kaq kategorik në vendimin tuaj që në këtë moment. Keni pakënaqësi ndaj Kryeministrit Rama apo qeverisjes Rama në përgjithësi?

Meta: Ne, në radhë të parë, kemi pakënaqësi ndaj vetes dhe asnjëherë nuk jemi të kënaqur me atë që arrihet, për arsye se situata ekonomike, shoqërore në vend gjithnjë lë vend për të kërkuar më shumë. Problemet janë ende të mëdha pavarësisht nga shumë përmirësime, nga shumë arritje, sidomos në nivelin makro-ekonomik. Kështu që kërkesa jonë për ndryshime dhe përmirësime është e përhershme.

Gazetarja: Pra, nuk keni ndonjë pakënaqësi personale me Kryeministrin apo politike për sa i takon qeverisë?
Meta: Nuk bëhet fjalë për çështje personale. Po të ishte për çështje personale, ky koalicion nuk do të ishte bërë kurrë.

Gjatë intervistës, Meta tha se LSI nuk do të bëjë koalicion me Partinë Demokratike.

 





Lajmet e fundit nga