E fundit!

08:16 Ekonomi

Izolimi rajonal, 22% e qytetarëve të Ballkanit nuk udhëtojnë fare te fqinjët

Pavarësisht përpjekjeve shumëvjeçare për bashkëpunim rajon...

BOOM denoncon skandalin/ Domatja italiane me pesticidin e rrezikshëm në Shqipëri

17 Janar 2017, 19:09, Aktualitet CNA

Në muajin nëntor, autoritetet gjermane bllokuan domaten Pomodorini që vinte nga Italia sepse u konstatua pas analizave që një kg domate përmban 0.35 miligram pesticid ?Klorfenapyr?.

Kjo shifër konsiderohet shumë e lartë dhe tepër e rrezikshme për shëndetin e njeriut.

Në tregun tonë prania e domates qershi që vjen nga Italia është e dukshme. Për tu siguruar nëse ky produkt përmban ose jo pesticid ?chlorfenapyr?, i cili është mjaft i rrezikshëm për shëndetin dhe është një arsye që nxiti autoritetet gjermane ta ndalojnë në tregun vendas dhe ta publikojnë edhe në portalin e posaçëm të vendeve të BE për sigurinë ushqimore këtë alarm, gazetarët e BOOM në Rtv Ora News, iu drejtuan Institutit të Sigurisë Ushqimore dhe të Veterinarisë.

Tregtarët pranojnë se domatja vjen nga Italia dhe se ajo vendase nuk shitet në treg për shkak se është më e butë.

Po çfarë ndodh realisht në tregjet tona?

Gazetarja: Pomodorini janë të vendit?

Shitësi: Italiane janë, nga Siçilia.

Gazetarja: Kjo Pomodorini?

Shitësi: 2800 lekë.

Gazetarja: Nga vinë?

Shitësi: Siçiljane janë.

Gazetarja: Vendi, nga vjen kjo?

Shitësi: Nga Siçilia është dhe kjo. Kjo është 3800 lekë, është më cilësore.

Gazetarja: Po njësoj ngjajnë në pamje të parë.

Shitësi: Është më e fortë.

Shitësi: Italiane janë.

Gazetarja: Sa është kg?

Shitësi: 3800 lekë. E vendit nuk futet në treg.

Gazetarja: Pse?

Shitësi: Është e butë.

Gazetarja: Këto mbajnë më shumë?

Shitësi: Po qëndrojnë goxha.

Gazetarja: Na thanë që janë më të shijshme të vendit.

Shitësi: Jo.

Gazetarja: Këto domatet janë të vendit?

Shitësi: Italiane.

Për të siguruar për cilësinë e domates, gazetarja e emisionit BOOM ka shkuar pranë Institutit të Sigurisë Ushqimore dhe Veterinarisë.

Gazetarja: Ku është vendi ku dorëzohen analizat?

Laborantja: Çfarë analizash?

Gazetarja: Për domaten.

Laborantja: Këtu! Për momentin këtë lloj pesticidi nuk e kam në listë shërbimesh, nuk e mbaj fare. Për momentin nuk bëhet.

Gazetarja: Është bërë ndonjëherë?

Laborantja: Te lista e pesticideve tona nuk është.

Gazetarja: Nuk ekziston fare si pesticid?

Laborantja: Jo! Dmth, mbase në 2017-n të bëhet si kërkesë. Nuk është kiti për ta analizuar këtë lloj pesticidi. Tani do vijë baza materiale, meqë kërkohet se duhet të dimë çfarë kërkohet.

Gazetarja: Në Bashkimin Evropian?.

Laborantja: Ne nuk jemi akoma në nivelin e Bashkimit Evropian, se me qenë do futeshim ne. Janë disa gjëra që ne nuk i bëjmë, prandaj ato nuk na pranojnë ne, jo se nuk na duan. Kisha fiksuar në listën e pesticideve që ne analizojmë deri në 30 e ca dhe këtë ?Chlorfenapyr? nuk e kisha parë. Tani kjo i hidhet domates për ruajtje? Nuk e kisha parë këtë. problemi është që nuk e analizojmë në momentin që do ta analizohet, ne lajmërojmë AKU. Pastaj do ta merrni vesh, ose do vish prapë ti. Në 2017 do të bëjmë si kërkesë.

Gazetarja: Për ta sjellë në 2018-n?

Laborantja: Megjithatë, ta mbaj unë këtë. Ta mbaj dhe numrin tënd në momentin që vjen, unë të marrë vetë.

Gazetarja: Derisa nuk ka është e kotë.

Laborantja: Jo nuk ka në asnjë vend në Shqipëri, që ta kesh të sigurt.
screenshot_5

Intervista me Linda Tafaj, shefe e sektorit laborator në Institutin e Shëndetit Publik.

Gazetarja: Çfarë mund të na thoni për pesticidin ?Chlorfenapyr??

Tafaj: Ky pesticid nuk është i njohur në Shqipëri sepse nuk është i regjistruar nga Ministria e Bujqësisë për përdorim si lëndë aktive në produktet për mbrojtjen e bimëve. Nuk është as i aprovuar si lëndë aktive për përdorim në biocide nga Ministria e Shëndetësisë. Nuk është i autorizuar në Bashkimin screenshot_1 Evropian as si produkt për mbrojtjen e bimëve. Është i autorizuar për t?u përdorur si konservant për drurin.

Diçka për sa i përket vetive që ka kjo substancë. Është toksike në qoftë se merret përmes frymëmarrjes. Është e dëmshme në qoftë se merret përmes gëlltitjes dhe është shumë toksike për organizmat ujor sidomos për organizmat vertebror dhe e ka këtë efekt toksik afatgjatë. Në qoftë se një substancë është e ndaluar të përdoret në një vend, atëherë gjetja e asaj në një produkt ushqimor është alarmante. Normalisht është shkelje e ligjit.