E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kush e ftoi Ilir Metën në ceremoninë e betimit të Presidentit Donald Trump?

17 Janar 2017, 16:50, Aktualitet CNA

Prej disa ditësh në media po qarkullojnë lajme se kreu i Kuvendit Ilir Meta është ftuar nga administrata e Presidentit të zgjedhur amerikan Donald Trump, në ceremoninë e tij të inaugurimit të tij si President në Washington, e cila do të zhvillohet në 20 Janar.

Sipas një kërkimi të thjeshtë të citynews, por edhe sipas konfirmimit të departamentit të shtetit, ky lajm rezulton të jetë trillim, ndoshta me qëllim për të goditur kryeministrin Edi Rama dhe për të nxitur më tej konfliktin mes tij dhe administratës Trump. Kështu, Rama do shfaqej si kundershtar i administratës Trump dhe Meta si njeriu pro Trump.

Nëse lajmi do të ishte i vërtetë dhe zoti Meta do kishte një ftesë nga administrata e Trump, atëherë kreu i Kuvendit do e kishte bërë publike ftesën zyrtare, kush e ka ftuar dhe përse e ka ftuar.

Deri në këto momente nuk rezulton një konfirmim as nga Meta e as nga faqja zyrtare e parlamentit, por vetëm nga disa media pranë LSI-së.

Prej disa kohësh Meta dhe kampi i LSI kërkojnë të japin përshtypjen përmes intrigave se nuk janë të ndikuar nga Soros dhe se janë larg politikave të tij për krijuar afrimitet me administratën Trump, por e vërteta është se LSI po mban në pushtet qeveritë e George Soros.

Ndoshta ftesa është siguruar nga mënyra të tjera, nga ndonjë kongresmen apo nga lobistët me pagesë. Disa ditë më parë BIRN në një artikull për kreun e Kuvendit, paralajmëroi pjesëmarrjen e Metës në inagurimin e Trump, falë lobimit të kompanisë McKeon Group. LSI nënshkroi një marrëveshje me McKeon Group, ku do t?i paguante 15 mijë USD në muaj për një periudhë 6 mujore.

Pra, edhe nëse ka ftesë për kreun e Kuvendit, ajo nuk është zyrtare dhe nuk është dërguar nga administrata e Trump. Në rast se Meta pretendon diçka të tillë, i kërkojmë të na vërë në dispozicion ftesën.

Nga ana tjetër, kreu i PD Lulzim Basha është shprehur se ka një ftesë zyrtare nga Komiteti Kombëtar Republikan, thënë ndryshe, nga Partia Republikane dhe nga grupi i Kongresmenve Amerikanë Republikane në Kongresin Amerikan.

Kjo edhe falë lobimit të kreut për të Drejtat e Njeriut në PD, Enri Ceno, i cili ka qenë pjesë e stafit të fushatës të Presidentit të ri amerikan.

Duket se i vetmi që nuk ka një ftesë dhe që ka konfirmuar se nuk do të jetë i pranishëm eshtë kryeministri Edi Rama. Por, mësohet se PS do të ketë dy përfaqësues të saj në ceremoni edhe pse jo me ftesë zyrtare./citynews