E fundit!

18:12 Aktualitet

Nis protesta e pestë e qytetarëve në Tiranë

Mbahet ditën e sotme protesta e radhës e qytetarëve në Tir...

Thellohet kriza në koalicion/ Aqif Rakipi sulmon LSI-në: Fitojmë dhe pa ju!

15 Janar 2017, 11:02, Aktualitet CNA

Marrëdhëniet mes koalicionit qeverisës ftohen çdo ditë e më shumë. Dimri i acartë duket se ka ?mbërthyer? jo vetëm vendin, por edhe ata që na qeverisin. Pas përplasjeve mes Partisë Socialiste dhe Lëvizjes Socialiste për Integrim, në debat është përfshirë edhe Partia Drejtësi, Integrim dhe Unitet.

PDIU ka sulmuar LSI-në, pas deklaratës së ministrit të Drejtësisë, Ylli Manjani, i cili tha gjatë një interviste televivize se partia çame nuk duhet të vijojë të qëndrojë në koalaicionin e majtë. Ai shtoi se PDIU u votua si parti e djathtë, dhe se PS i fitoi zgjedhjet me Ben Blushin dhe deputetë të tjerë. Kjo ka caruar së tepërmi çamët, të cilët përmes deputetit Aqif Rakipi, kanë sulmuar LSI-në.

Në një prononcim për gazetën ?SOT?, deputeti Rakipi shprehet se PDIU bën koalicion me atë parti që e konsideron kauzën e tyre, Çështjen Çame, duke shtuar se LSI ka bërë koalicion edhe me parti të djathta, edhe me të majta.
?LSI ka dalë gjithandej, me PD, me PS. Gjithmonë ka vepruar në këtë mënyrë. Nuk i bëmë ndonjërit as puç dhe asgjë tjetër. Ne mbrojmë një kauzë dhe për këtë duam zgjidhje. Kurse LSI dihet, ka bashkëqeverisur edhe me PD, edhe me PS. Ne kemi një kauzë tonën dhe kauzën tonë kryeministri Edi Rama apo ministri i vetë i Jashtëm, Ditmir Bushati e ka përkrahur. Në bëjmë bashkëpunim në drejtim të kauzës tonë. Rama dhe Bushati e ka ngritur çështjen tonë. Ne nuk i bëjmë gjërat fshehtas, siç bën Meta, nxjerr njërin apo tjetrin që të flasë. Një koleg i joni e ka thënë; edhe në qeveri qëndron, edhe shan qeverinë; do të jetë edhe në mazhorancë, edhe në opozitë?, u shpreh deputeti Rakipi.