E fundit!

07:54 Politikë

E enjte intensive për Kuvendin/ Projektligje dhe 6 interpelanca me Ramën dhe ministrat

Kjo e enjte pritet të jetë një ditë me diskutime të shumta...

BERAT/ Pranga rojeve private dhe ish-hajdutëve, u kapën duke vjedhur

15 Janar 2017, 08:43, Aktualitet CNA

Policia e Beratit bën me dije se ka bërë të mundur arrestimin në flagrancë të pesë shtetasve, në dy operacione të ndryshme. Një ditë në parë janë në pranga dy roje private, pasi janë kapur duke vjedhur naftën e makinerive për të cilën e kishin në ruajtje.

Po në një tjetër operacion të një dite më parë, uniformat blu të Beratit kanë prangosur dy ish- hajdutë dhe një të mitur për vjedhje. Të rinjtë janë kapur në flagrancë nga forcat e policisë duke vjedhur sende dhe materiale ndërtimi, në një ndërmarje private.

?Strukturat e Drejtorisë Vendore të Policisë Berat, në vijim të punës së pandërprerë për goditjen e paligjshmërisë, kanë bërë të mundur arrestimin në flagrancë të 5 shtetasve. Më datë 14.01.2017 u arrestuan në flagrancë: Ardit Pajo, 23 vjeç, banues në Urë Vajgurore me detyrë roje prane një kompanie private dhe Blerim Rapi, 36 vjeç, banues në Berat, me detyrë roje pranë po të njëjtës kompani.

Këta 2 shtetas janë kapur në flagrancë duke vjedhur naftën e makinerive të cilat i kishin në ruajtje. Gjithashtu po më datë 14.01.2017, forcat e policisë arrestuan në flagrancë 3 shtetas të tjerë, konkretisht: M.R 18 vjeç, i dënuar më parë për vjedhje, F.P, 16 vjeç dhe N.M ., 18 vjeç, i dënuar më parë për vjedhje.

Arrestimi i këtyre shtetasve u bë pasi u kapën në flagrancë nga forcat e policisë duke vjedhur sende dhe materiale ndërtimi në një ndërmarje private”, bën me dije policia përmes një deklarate për mediat. Sendet e vjedhura u sekuestruan në cilësinë e provës materiale.

Materialet i kaluan Prokurorisë së Rrethit Gjyqësor Berat, për veprën penale “Vjedhja”. /CityNews/