web counter
LEXO PA REKLAMA!

SHKARKO APP

App Store
Google Play

E fundit!

x

Faktet/Open Data falsifikon apo ndryshon pasurinë e deputetit Alfred Peza

15 Janar 2017, 10:02, Aktualitet CNA

Open Data është një portal që publikon me financimin e organizmave të huaja pasuritë e politikanëve, sipas të dhënave që siguron nga IDKPKI. Cityneës.al dy ditë më parë publikoi pasurinë e deputetit Alfred Peza, referuar të dhënave që jep Open Data, e financuar nga ambasada holandeze, USAID dhe organizma të ndryshme ndërkombëtare.

Sipas të dhënave të kësaj faqeje, që pretendon se është ripublikues i të dhënave zyrtare rezulton se Alfred Peza ka deklaruar të ardhurat 950 milionë lekë, kur ka marrë detyrën si deputet, por gjithashtu figuron se deputeti ka deklaruar vetëm 95 milionë lekë të vjetra kur ka marrë detyrën si deputet. I vetmi ndryshim që ka Open Data është një zero nga pas.
Gabim po falsifikim?! Cityneës në denoncimin e pasurisë qindra milionë lekë të deputetit Alfred Peza, duke iu referuar të dhënave nga Open Data, nxori disa fakte në lidhje me të ardhurat dhe financat e tij. Ditën kur Cityneës ka bërë denoncimin Alfred Peza rezulonte me 95 mln lekë, dje deputeti rezulton me 950 milionë lekë të deklaruara. Pra Open Data, kjo faqe ripublikuese e financuar nga organizma ndërkombëtarë, ka falsifikuar apo ndryshuar të dhënat e deputetit socialist.
Cityneës po publikon më poshtë të dy dokumentet të marra nga faqja e Open Data. Ditën e parë reulton se Alfred Peza ka 95 milionë lekë depozitë nga bashkëshortja, z. Peza, në deklarim. Të nesërmen gjithccka ndryshon. Sipas fotos që shihni më poshtë, gjithccka ndryshohet, nuk kemi më 95 milionë, por 950 milionë lekë të vjetra. Pasurisë së Z. Peza i është shtuar një zero dhe më pas jepen sqarime me fjalë në lidhje me shumën.
Cityneës kontaktoi me Aranita Brahën të Open Data, e cila tha se unë nuk e di të kemi bërë korrigjime, por e vërteta është krejt ndryshe. Aranita Brahaj, pas telefonatave dhe ndërhyrjeve nga eksponentë të lartë të PS dhe qeverisë, ka korirgjuar publikimin e pasurisë së Alfred Pezës, bërë disa kohë më parë dhe dje është ndërhyrë, duke bërë shtesa dhe ndryshime, duke shtuar një 0, duke bërë sqarime me fjalë apo duke ndryshuar renditjen e të dhënave.
Po dje, është publikuar pas urdhrit nga qeveria edhe dokumenti në PDF i deklarimit të pasurisë së Pezës.
Open Data ka pretenduar se është një faqe që publikon të dhëna zyrtare, por me sa duket është një faqe që i ndryshon sipas qejfit të dhënat zyrtare. Megjithëse ka përfituar fonde me miliona lekë nga parterë ndërkomëntarë dhe institucione të besueshme, është thjesht një institucion që gabon, ndryshon apo falsifikon të dhënat që publikon. Si gjithmon, fondet e ndërkombëtarëve përfundojnë një dështim, siç është rasti i Open Data, që pas ndërhyrjes nga qeveria ndryshon të dhënat e publikuara kohë më parë të deputetit dhe më pas hedh edhe deklarimin në PDF. Pra Open Data ka marrë fonde nga ndërkombëtarët për të publikuar materiale gabim apo për t?i korrigjuar ato pas shumë kohës. Gjithsesi, drejtuesit e saj treguan se janë në shërbim të qeverisë dhe sipas kërkesave të kësaj të fundit.

Me publikimin dhe ndryshimin e të dhënave, megjithëse këto nuk janë bërë nga vetë deputeti socialist, Alfred Peza, por nga instrumenta që përdoren nga qeveria, rezulton se deputeti të ketë bërë deklarimin e një shume 950 mln lekë si kursime të bashkëshortes. Pra ekziston një deklarim për këtë shumë parash, ashtu siç ekziston dhe në faktin se bashkëshortja e Pezës, Z. Mirela Ndini, ka blerë 1.13 mld lekë 1% aksione në bankën Credins./CityNews





Lajmet e fundit nga