web counter
LEXO PA REKLAMA!

SHKARKO APP

E fundit!

x

Humb paratë në bixhoz/ Fatorino godet murin me kokë për të shpëtuar

9 Janar 2017, 16:25, Aktualitet CNA

Një shtetas 22 vjeçar, fatorino i një linje urbani në Tiranë ka humbur xhiron ditore në bixhoz dhe është detyruar të trillojë një histori për të shpëtuar.

Ai është vetëplagosur duke përplasur kokën në mur. Më pas, kur ka shkuar të marrë mjekim, ai ka pretenduar se është sulmuar nga dy persona të paidentifikuar, të cilët i kanë grabitur paratë dhe telefonin celular, shkruan gazeta ?Panorama?.

Ngjarja ka ndodhur më 3 tetor 2016 në Tiranë, por i riu Ervin K. duhet të përballet tashmë me një dënim me burg.

Gjykata e Tiranës vendosi dënimin e tij me 4 muaj heqje lirie pasi ka rezultuar e provuar se ai ka konsumuar akuzën e ?kallëzimit të rremë?.

Sipas Gjykatës, i riu kishte humbur gjithë lekët e xhiros ditore, 17 mijë lekë në total, para të cilat duhet t?ia dorëzonte kompanisë së linjës së urbanëve, në përfundim të ditës së punës.

Gjatë marrjes së pyetjeve nga oficerët e Policisë Gjyqësore, ai ka pranuar se ka bërë kallëzim të rremë për të justifikuar humbjen e lekëve.





Lajmet e fundit nga