E fundit!

07:35 Ekonomi

Pas vizave e “braktisën”, këtë vit turistët nga Kosova i rikthehen sërish Shqipërisë

Shqipëria vazhdon të mbetet destinacioni kryesor i pushues...

Reforma zgjedhore/ Bylykbashi: Gur themeli për integrimin e vendit. Balla: PD po bën ripërpjekje për të na rikthyer pas

28 Dhjetor 2016, 13:49, Aktualitet CNA

Dy forcat më të mëdha politike janë përplasur sërish për reformën zgjedhore. Nënkryetari i Komisionit të Refmormës në Drejtësi dhe deputeti i PD-së, Oerd Bylykbashi, në një bashkëbisedim me gazetarët deklaroi se reforma zgjedhore është në të vërtetë gur themeli për suksesin e çdo reforme tjetër.

Sipas tij, suksesi i kësaj reforme do të bëjë të mundur që në Parlament të mos futen kriminelë e më pas me votën e tyre të mos mbajne peng reformat e tjera të rëndësishme.

?Reforma zgjedhore është gurthemel për suksesin e çdo reforme tjetër. Mazhoranca deri më tani nuk ka bërë asgje veçse deklarata publike dhe asnjëherë nuk është ulur me ne për rënë dakord ose për të bërë propozime. Suksesi i kësaj reforme do të bëjë të mundur që në Parlament të mos futen kriminelë?, tha Bylykbashi.

Kreu i PD-së Durrës tha se kërkesë e partisë së tij mbetet përdorimi i teknologjive në votim, si mundësi më e mirë për të shmangur shitblerjet e masive të votës.

?Sistemi elektronik eliminon problemet siç është shitblerja e votës. Pasi siç e dini në Durrës pati një shitblerje masive të votës nga njerëz që prisnin të emëroheshin pas zgjedhjeve?, deklaroi Bylykbashi.

Pas deklaratës së Oerd Bylykbashit, ka ardhur reagimi i deputetit të PS-së, Taulant Balla, i cili kundërshtoi deputetin e Partisë Demokratike për disa nga pikat për të cilat diskutoi.

Balla deklaroi se Partia Demokratike po bën ripërpjkje për të na rikthyer pas, duke i kujtuar se Partia Socialiste me kohë i kishte bërë disa ngë kërkesat që shpalosi Bylykbashi në bashkëbisedimin e tij me gazetarët.

?Ne kemi kërkuar më parë mundësinë e votimit të emigrantëve, por Partia Demokratike na e ka kundërshtuar. Ne e kemi kërkuar më parë numërimin elektronik, por Partia Demokratike na e ka kundërshtuar me justifike të ndryshme?, tha Balla.

Sa i përket reformës zgjedhore, deputeti i PS-së tha se PD ka dorëzuar vetëm amendamente, ndërsa shtoi se nuk ka asnjë fjalë nga selia blu në lidhje me rekomandimet e OSBE-ODIHR.

Në lidhje me numërimin elektronik, Balla ka ftuar Partinë Demokratie që të zgjedhë qarkun ku do të aplikojë këtë teknologji, ndërsa sa i përket manipulimeve në gjedhje, deputeti i PS shtoi se edhe partia kërkon ashpërsimin e masave.