E fundit!

20:41 Aktualitet

Me thirrjet kundër qeverisë/ Vijon protesta para Kryeministrisë

Vijon prej gati tre orësh protesta në bulevardin “Dëshmorë...

Faktet/Rama ndjek nga pas dhe kopjon Ben Blushin

28 Dhjetor 2016, 11:55, Aktualitet CNA

Kryeminisri Edi Rama ndjek nga pas zbaton kopjon me përpikmëri gjithçka artikulon apo propozon ish-miku i tij deputeti i Libra Ben Blushi.

Rama-Blushi kanë qenë dikur miq, sot janë kundërshtarë të ashpër, por kjo ska asnjë vlerë për kreun e qeverisë, ai zbaton me përpikmëri idetë dhe problematikat që nge Ben Blushi.

Deputeti i Libra, pas një viti qeverisje të Rilindjes dhe në vazhdim theksoi se qeveria po varfëronte shqiptarët. Në kongresin socialist të pranvesës së këtij viti, Blushi propozoi një paketë dinjiteti dhe për këtë janë deshmitarë jo vetëm socialistët. Pak ditë më parë kreu i qeverisë artikuloi paketën e solidaritetit, ku zbatoi pjesërisht propozimet e Ben Blushit.

Dy fakte të tjera janë të ditëve të fundit.

Në Zharëz banorët u futën në grevë urie. Askush nuk reagoi. Mjaftoi dje vajtja e Ben Blushit dhe Rama reagoi menjëherë. Një orë pas takimit të deputetit të Libra, kreu i qeverisë ngriti komisionin dhe banorët dolën nga greva ku ishin harruar prej disa ditësh nga qeveria dhe vetë kryeministri.

Sot kemi një tjetër fakt pse Rama ndjek nga pas Ben Blushin. Ky i fundit i kërkoi kryeministrit kohë më parë që të shkonte tek të varfrit, tek njerëzit në nevojë, qeveria të ishte më sociale dhe më pranë tyre. Sot e gjithë qeveria është shpërndarë në shtepitë e të moshurarve apo jetimore. Hera e parë në katër vite.

Kreu i qeverisë e shikon Ben Blushin si një kundërshtar të fortë, me teza dhe propozime konkrete për qytetarët, reagimin e ka të menjëhershëm nuk i le kohë ish mikut të tij, por vepron vetëm duke i ndryshuar emrin propozimeve dhe i zbaton me përpikmëri. Të paktën dalja e Ben Blushit nga PS po i shërben diçkaje të mirë. Qeveria po përpiqet të sillet si sociale, jo sepse do, por sepse i duhet të ndalë Blushin. Kjo ka sjellë një vemendje për më të varfërit në këtë fundvit, që Rama do i harrojë serish pas zgjedhjeve ose do kujtohet kur të japë propozime Blushi. Një qeveri që kopjon një individ, mund të quhet thjesht Rilindje./Citynews