E fundit!

09:46 Aktualitet

Fotolajm/ Vip-at e paguar nga Veliaj që protestojnë kundër Ramës

Një pjesë e personazheve publikë, të ashtuquajturit “VIP”-...

Zbardhen debatet në Asamblenë e PS/Rama-Kokedhimës: Fajtor jam unë që të bëra deputet

25 Dhjetor 2016, 07:55, Aktualitet CNA

Zbardhen debatet me dyer të mbyllura në Asamblenë Kombëtare të Partisë Socialiste. Fjalimi surprizë i Koço Kokëdhimës në mbledhjen e Asamblesë të premten, i cili u mbajt me dyer të mbyllura, ka acaruar kryeministrin Edi Rama. Kreu i qeverisë ka shpërthyer për herë të parë në drejtim të ish-deputetit Kokëdhima, i cili, tashmë është përjashtuar përfundimisht nga partia.

Kryeministri Edi Rama, i cili u gjend përpara fjalimit të Koço Kokëdhimës në Asamble, i cili kritikoi hapur përpara të gjithë anëtarëve për mënyrën e organizimit të partisë, këtë herë nuk mundi dot të përmbajë emocionet negative ndaj rebelizmit të ish-deputetit socialist.

Mësohet se kryeministri Edi Rama ka ndërhyrë gjatë fjalimit të Koço Kokëdhimës, i cili me tone nervozizmi i është drejtuar duke i thënë se është vetë ai fajtor që e futi në Partinë Socialiste. ?Fajtor jam unë që të bëra deputet, të futa në strukturat vendimmarrësve të PS…?, mësohet t?i ketë thënë Rama, ish-mikut të tij, Koço Kokëdhima.

Më tej, Rama është shprehur se Kokëdhima ka shfrytëzuar besimin e tij për të hyrë në parti, për ambiciet e veta. ?Po ta dija se kishe këto bindje, unë nuk do të bëja deputet dhe as do të fusja në parti. Ti e shfrytëzove besimin tim për ambiciet e tua?, është shprehur kryeministri Edi Rama.

Kryeministri vijoi duke u shprehur se nuk mund ta toleronte më këtë situatë. ?Unë nuk kam ndërhyrë asnjëherë në jetën time tek asnjë gjykatës, jo më për të hequr mandatin e Koços. Por, ç?ju them më. E gjithë përgjegjësia bie mbi mua. Ndaj unë propozoj që ai nuk mund të jetë më as anëtar i Asamblesë Kombëtare. Mund të jetë anëtar i thjeshtë PS-së. Unë jam i fundit që duhet të flas për këtë çështje. Nuk dua të ndalem në këtë histori, por dua të sqaroj se agravimi i çështjes arriti deri aty sa nuk mund të tolerohej më, edhe sikur unë të doja?, mësohet të ketë thënë Rama para anëtarëve të Asamblesë.