Rinegocimi me TAP/ Përfitimet të vërteta, merita e qeverisë Berisha

21 Dhjetor 2016, 16:15, Aktualitet CNA

Gazetari i ekonomisë Klodian Tomorri shpjegon në një postim në rrjetet sociale marrëveshjen e qeverisë me gazsjellësin TAP. Ministria e Energjisë deklaroi se falë rinegocimit të saj me gazsjellësin TAP, Shqipëria do të përfitojë 80 milionë euro në krahasim me marrëveshjen e qeverisë së kaluar. Por, sipas Tomorrit, pretendimi i Ministrisë së Energjisë nuk është i vërtetë.

Sipas tij, ky përfitim vjen si pasojë e marrëveshjes së qeverisë së mëparshme, e cila ka parashikuar nga cdo përfitim shtesë që merr Greqia. Ai shprehet se marrëveshja që nënshkroi sot Ministria e Energjisë me Tap, duke marrë përfitime shtesë, është reflektim automatik i përfitimeve shtesë të Greqisë.

?Ministria e Energjise deklaroi sot se fale rinegocimit qe ajo i beri marreveshjes me gazsjellesin TAP, Shqiperia do perfitoje mbi 80 milione euro shtese krahasuar me marreveshjen e qeverise se meparshme.

Perfitimet jane te verteta, ndersa pretendimi i Ministrise se keto perfitime i kemi fale negociatave te saj nuk eshte. Ministria qellimisht harron te permend disa detaje si me poshte:

Ne marreveshjen e nenshkruar nga qeveria e meparshme me TAP ka qene e parashikuar se Shqiperia perfiton automatikisht cdo perfitim shtese qe merr Greqia. (Fletore zyrtare nr 61, viti 2013)

Qeveria greke e negocioi me vone se Shqiperia marreveshjen me TAP, duke marre perfitime shtese. Ndaj marreveshja qe nenshkroi sot Ministria e Energjise nuk eshte asgje tjeter vecse reflektim automatik i perfitimeve shtese te Greqise?, shkruan ai

Më tej, Tomorri shprehet se Shqipëria nuk po merr fonde nga gazsjellësi TAP falë negocimit të Ministrisë së Energjisë. Ai thekson se meritat për këto përfitime shtesë që po përfiton sot Shqipëria janë të Andonis Samarras dhe Sali Berishës.

?Pra, si perfundim; Shqiperia nuk po merr perfitime shtese nga Gazsjellesi TAP sepse Ministria e Energjise negocioi dhe i mbrojti me mire interesat kombetare se sa qeveria e kaluar.

Ky eshte thjesht nje rishikim automatik i parashikuar ne marreveshjen ekzistuese. Ndaj nese ka dy njerez qe meritojne kredite per keto perfitime shtese qe mori Shqiperia sot ata jane Andonis Samarras dhe Sali Berisha. Ironikisht dy kundershtaret me te medhenj te qeverise aktuale?, përfundon ai