web counter
LEXO PA REKLAMA!

SHKARKO APP

App Store
Google Play

Reagime botërore pas ngjarjes në Berlin

20 Dhjetor 2016, 10:09, Aktualitet CNA

Tronditje botërore pas mësymjes së një kamioni në një treg krishtlindjesh në Berlin të hënën në mbrëmje (19.12). 12 të vdekur dhe 48 të plagosur. Autori, me gjasë refugjat i ardhur në Gjermani në shkurtin e këtij viti.

Kancelarja gjermane, Angela Merkel, e cila ka qenë që nga orët e mbrëmjes në kontakt të vazhdueshëm me ministrin e Brendshëm, sipas zëdhënësit, Steffen Seibert është shprehur me hidhërim për sulmin në Berlin dhe ka theksuar se “ne mbajmë zi për viktimat”. Presidenti gjerman, Joachim Gauck e ka quajtur të hënën një “natë të rëndë për Berlinin”. Ministri i Jashtëm gjerman, Frank-Walter Steinmeier u shprehu ngushëllimet familjeve të viktimave.

Reagime të tronditura vijnë nga e gjithë bota

Presidenti francez, Francois Hollande u shpreh se “francezët ndajnë dhimbjen me gjermanët përballë kësaj tragjedie që godet të gjithë Europën.” Ndërsa kryeministri francez Cazeneuve ka theksuar se “e gjithë Franca është në krah të Gjermanisë.” E ngarkuara e BE-së për politikën e Jashtme, Federica Mogherini është shprehur se “Europa u godit edhe njëherë. Mendimet tona janë tek viktimat dhe familjet e tyre.”

Edhe qeveria amerikane e ka dënuar sulmin. Presidenti Barack Obama e ka dënuar “me shumë ashpërsi” ngjarjen në Berlin. “Ne jemi bashkë me Berlinin në luftë kundër të gjithë atyre që kërcënojnë mënyrën tonë të jetesës dhe shoqërinë tonë”, ka thënë Obama. Presidenti i zgjedhur, Donald Trump është shprehur se ky është një sulm i tmerrshëm dhe se “bota e civilizuar duhet të ndërrojë qëndrim.”

 





07:05 Aktualitet

Shtypi i ditës

Faqet e para te gazetave per diten e sotme....

Lajmet e fundit nga