Konçesioni i laboratorëve/Skandali, Edmond Spaho në shërbim të mazhorancës, mashtroi Lulzim Bashën

20 Dhjetor 2016, 08:21, Aktualitet CNA

Ditën e enjte në mbremje parlamenti votonte buxhetin e shtetit dhe pritej një seancë problematike për shkak të disa qëndrimeve që LSI kishte mbajtur në lidhje me koncesionin e labotarotëvë që Ministria e Shëndetësisë ka menduar ti japë më koncesion.

LSI prej ditësh kishte shprehur qëndrimin e saj, edhe opozita dukej e dakordësuar, por në mbyllje të seancës, gjatë procesit të votimit ka munguar opozita dhe deputetët e saj.

Ilir Meta dhe LSI, dështimin e aksionit të tyre politik donin ta faturonin tek opozita dhe menjëherë reaguan duke thënë se koncesioni u miratua, kur në fakt ishte miratuar buxheti i Ministrisë së Shëndetësisë, ku nuk ka asnjë fjalë për koncesion. Pra ajo që do rrëzonte LSI-ja ishte një pjesë e buxhetit vjetor të Ministrisë së Shëndetësisë, kunë asnjë fjali nuk kishte KONÇESION, i cili në fakt do të jepet por në buxhet nuk shkruhej.

LSI në vend që ta gjente zgjedhjen e problemit tek aleati i saj në qeveri e kërkoi tek opozita, e cila menjëherë u sulmua nga njerëz pranë Metës, të paguar prej tij, por edhe media të tjera që ishin gati të luanin një intrigë politike për të demtuar opozitën.

Në fakt e vërteta është krejt ndryshe nga ajo e medias.

Së pari LSI nuk ka pse e gjen shpëtimin tek PD-ja. Po qe se nuk e dëgjon aleati i madh basha-spaho-2 , mund të largohet nga qeveria, mund të braktisë koalicionin dhe zgjidhjen e ka në tavolinë. Të kërkosh që opozita të jetë
komardarja e shpëtimit kur vetë ke varur gur në qafë, askush nuk të shpëton dot.

Por ka edhe një fakt tjetër. Është nën kryetari i PD personi përgjegjës për largimin e deputetëve dhe jo kryetari demokrat Basha. Kjo jo për ti dalë në krah Lulzim Bashë, por për të treguar se ?kërmilli? i opozitës i vihet me pasion në shërbim mazhorancës.

Ja çfarë sqarimi dha më pas “Pavaresisht se ne listen e atyre qe nuk ishin ne salle per te votuar amendamentin e z. Petrit Vasili per koncesionin e laboratoreve eshte renditur edhe emri im desheroj te bej te ditur qe kam qene ne salle dhe nuk e kam votuar me ndergjegje amendamentin sepse e kam konsideruar farse“.

Spaho, ka qenë personi që e ka njoftuar Bashën për qëndrimin që duhet të mbanin. Basha ishte live në studion e Ylli Rakipit kur është njoftuar nga Spaho se LSI nuk do votonte kundër koncesionit të labotatorëve dhe për PD më mirë do ishte të braktiste votimin. Pak kohë më parë në një votim të njëjtë LSI ,nuk pati qëndrim unik në votim por i përcau votat.

Basha ka dhënë miratimin e tij pas informacionit të dhënë nga nën/kryetari i PD i cili është personi që krijoi atë kosto politike për demokratët.

Mësohet se pas këtij veprimi ka pasur një debat të ashpër të Lulzim Bashës me Edmond Spahon, i cili në fakt nuk duhet gjykuar. Ndoshta mosha bën të vetën, kapacitetet e Spahos s’kanë qenë kurrë në nivel drejtuesi të lartë, ai ka qenë mjaft i mirë për nivele të dyta, por këto në sferat e poshtme të politikës, sepse lart nuk kupton çfarë ndodh.

Gjithçka u mbyll me një faturë për PD-në, e cila nuk kishte pse të ishte komardare e Ilir Metës, por gjithsesi lojën politike duhet ta kuptojë dhe të reagojë përpara se Petrit Vasili të tallet me ?kërmillin? e PD-së./Citynews