E fundit!

08:32 Kosova & Bota

Pse Evropa Qendrore nuk është e përgatitur për valën e të nxehtit që po afron?

Një valë e fortë të nxehti pritet të përfshijë Evropën Qen...

Mimi Kodheli, Presidente apo jo?

20 Dhjetor 2016, 09:02, Aktualitet CNA

Nga Alban DACI

Ky është debati që qarkullon këto ditë në mediat shqiptare. Ky debat e ka origjinën në një deklaratë që vetë Ministria ka bërë për mediat duke thënë se është e gatshme ta lëshojë postin e Ministrisë dhe të marr angazhime të tjera. Kjo deklaratë e nxitur dhe nga një kategori e caktuar klani politik është interpretuar sikur znj. Kodheli largohet nga Ministria e Mbrojtjes për tu bërë gati për postin e Presidencës.
Këtë debat duhet ta ndajmë në disa pjesë:

***
Pjesa e parë ka të bëj me një pyetje të thjeshtë dhe të rëndësishme se : A meriton dhe e bën dot Mimi Kodhelin Presidencën? Nuk ka pikë dyshimi që Mimi Kodheli jo vetëm që e bën Presidenten, por kam besimin e plotë se ajo do të ishte një ndër presidentët më të mirë që vendi ka vendi. Pse e them këtë? Së pari, Mimi Kodheli edhe pse Ministre e PS, ajo ka mbajtur jo rol vetëm institucional duke mos u bërë pjesë e replikave boshe dhe duke mos qenë pjesë e konflikteve politike. Madje edhe në Parlament ajo ka mbajtur një rol institucional duke folur pak politikisht e duke mbrojtur politikat e mbrojtjes, të dikasterit që mbulon e mbi të gjitha duke qenë në koherencë të plotë me strategjitë dhe politikat e NATO-s në Rajon. Së dytë, ajo është ministrja e parë grua e Mbrojtjes dhe jo vetëm kaq, ajo me mbulimin e këtij dikasteri ka dëshmuar se është e gatshme të jetë edhe Presidente e Republikës, pasi ky i fundit është Komandat i Forcave të Armatosura. Pra, Ministri i Mbrojtjes nuk është se ka shumë ndryshim në misionin e tij me atë të Presidentit të Republikës. Po ashtu karriera politike e znj. Kodheli ka ardhur natyrshëm në rritje dhe duke treguar cilësi lidershipi dhe dëshmuar aftësi të mirë menaxhimi dhe administrimi. Së treti, Mimi Kodheli është një figurë konsensuale dhe nëse ajo do të ishte kandidate do të kishte të sigurt votat e zgjedhjes.

***
Pjesa e dytë ka të bëj me pyetjen se: A duhet të jetë Mimi Kodheli Presidente?
Postin e Presidentit në një Republikë Parlamentare e kam parë si mbyllja me sukses e një karriere të gjatë politike. Pra, Presidenca është zakonisht angazhimi i fundit politik para se një lider të vendos të dal në pension. Mendoj dhe jam i sigurt se i këtij mendimi është edhe znj. Kodheli, se ajo akoma ka shumë për të dhënë në jetën aktive politike dhe po ashtu akoma mund të jap kontribut të rëndësishëm në nivel qeverisës. Mimi Kodheli edhe pse në heshtje është një politikane mjaft aktive dhe po përgatitet seriozisht për zgjedhjet e 2017. Pra. Angazhimet e znj. Kodheli për 2017, dëshmojnë qartë se ajo nuk ka hequr dhe nuk ka ndërmend të heq dorë nga jeta politike. Mimi Kodheli në karrierën e saj, angazhimin qeverisës dhe institucional nuk e shikon si pronë privatë dhe si një tabu. Mimi Kodheli ka fituar eksperienca mjaft të rëndësishme dhe është e gatshme të marr sfida të tjera të rëndësishme në sektor të rëndësishëm. Ushtria është sektor që përfshinë të gjithë sektorët e tjerë, transportet, ekonominë, financën, reformën e mjaft të tjerë. Një Ministër Mbrojtje i suksesshëm është i gatshëm të mbulojë çdo sektorë tjetër vital po me sukses. Formimi profesional i znj. Kodheli janë financat dhe ekonomia dhe ka një të kaluar të suksesshme në këtë drejtim. Për shembull, mendoj se znj. Kodheli do të ishte një Ministër Transportesh shumë e suksesshme ose edhe një Ministër Ekonomie.

****
Pjesa e tretë lidhet me pyetjet se: Përfolja e emrit të znj. Kodheli për Presidente është në dobi të saj apo jo?
Edhe pse në politikë është e rëndësishme të flitet për dikë, në rastin Kodheli mendoj se qëllimi është për të krijuar përçarje politike dhe po ashtu një tentativë e mirëfilltë për të larguar Mimi Kodhelin nga mundësia e jetës aktive politike. Sigurisht këto lajme nuk kanë dalë nga znj. Kodheli, sepse kjo e fundit me angazhimin e saj në Ministri të Mbrojtjes dhe si Koordinatore në Dibër dëshmon qartë që nuk aspiron për postin e Presidentit. Po ashtu, mendoj se është krejt herët dhe pa vend të flitet që tani për emra konkret në lidhje me Presidentin e Republikës. Një gjë është e sigurt se emri i maxhorancës nuk do të jetë Nishani dhe po ashtu shumë e sigurt do të jetë se Nishani do e mbyll karrierën e tij si President me këtë mandat. Partia Socialiste në varësi edhe të fitores së 2017 do të kërkojë dhe me të drejtë që President i Republikës të jetë dikush nga radhës e saj, ose ndoshta edhe nga shoqëria civile, por nën propozimin e sa. Me këtë teorinë e Presidentit nga shoqëria civile, nuk jam i bindur shumë duke qenë plotësisht i bindur se ne, sot, kemi një shoqëri civile krejtësisht të politizuar dhe në shërbim të politikës. Prandaj, do të isha dakord më mirë një figurë politike, por me orientim dhe me histori bipartizane të bërit politikë.