E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Fotot dhe analiza-Si u paravendos çmimi për të riun në politikë/ Sekretari i PD në zyrën e Ramës

18 Dhjetor 2016, 12:24, Aktualitet CNA

Organizata te financuara nga qeveria e Suedisë, UNICEF, Rrjeti Kombëtar për të Rinjtë në Shqipëri (ANYN) në bashkëpunim me Lidershipin e të Rinjve të Tiranës dhe CRCA Shqipëri, mbështetur nga Olof Palme International Center kanë organizuar para disa ditësh ceremoninë e ndarjes së çmimeve për të rinjtë në politikë.

Në këtë ceremoni u dha një çmim edhe për politikanin e ri të vitit 2016, që u ?fitua? nga Sekretari për Aksionin Qytetar në PD Ervin Salianji. Shpërndarja e çmimeve u krye në ambientet e kryeministrisë, ku sekretari i PD dukej i lumtur që ndodhej aty. Një garë e organizuar dhe sponsorizuar nga socialistët dhe njerëzit e tyre që i dhanë çmimin Salianjit. Një nga organizatorët, Altin Hazizi është mik i ngushtë me Erion Veliajn dhe kryeministrin Edi Rama, dhe me shumë gjasa janë Veliaj dhe Rama që kanë urdhëruar shpalljen e Salianjit ?fitues?.

Ky nuk është problem për Ervinin, pasi njihet si bashkëpunëtor me socialistët edhe më parë, siç është rasti me deputetin Sadri Abazi. Bashkëpunimi i fundit midis Salianjit dhe dyshes Rama-Veliaj, vjen edhe nga miku i tij Henri Çili, që është sponsori kryesor i sekretarit të PS, por edhe një nga ?këshilltarët? kryesorë të kryeministrit.

Votimi për politikanin e vitit 2016 tregoi skemën që përdori Henri Çili për të zgjedhur Salianjin, mendohet se ky i fundit

dha garanci Çilit, se mund ta merrte çmimin edhe në zyrën e Ramës, ashtu siç ndodhi dhe tregojnë fotot e mëposhtme. Kjo vërtetohet edhe nga fakti se shumë të rinj të tjerë nga e djathta refuzuan të ishin pjesë e garës dhe çmimit. Çili si këshilltar i Ramës nuk e ka vështirë të japë rekomandimin e tij për të zgjedhur ?produktin? e tij në PD. Loja Çili-Rama ka nxjerrë një produkt që nuk ka kaluar zhurmë tek demokratët, të cilët po heshtin dhe po e mënjanojnë Salianjin nga daljet publike.

Kjo garë ishte e manipuluar dhe këtë e kanë pohuar edhe pjesëmarrësit e tjerë. Gazetari Aulon Kalaja, i cili ishte një nga kandidatët për çmimin të rinjtë në media, e quajti garën falsitet dhe të manipuluar, duke u tërhequr ditë më parë.

Nga ana tjetër, avokati Altin Goxhaj tregoi në një qëndrim të tij se kishte votuar për Aulon Kalanë, por vota i kishte kaluar Salianjit. Goxhaj tha se Auloni u ndëshkua nga SOROS-i, dhe vota e tij i kaloi kandidatit të pushtetit të Henri Çilit. Salianji sipas Goxhajt, është mbështetur në këtë garë nga sponsori i tij kryesor politik, Henri Çili.

Futja e mikut për Salianjin në këtë garë duket qartë që në përzgjedhjen e tij si kandidaturë. Ai kandidonte në për çmimin ?i riu në politikë për vitin 2016?, por çfarë ka bërë konkretisht Salianji për të rinjtë? Asgjë. Ai humbi zgjedhjet në FRPD dhe mjafton kjo për të treguar se ai s?ka as mbështetjen e të rinjve demokratë e jo ta votojnë të gjitha palët.

Pa përmendur një sërë emrash të tjerë që duhet të ishin kandidatë, duke marrë parasysh zgjedhjet në Forumet Rinore në shumë forca politike dhe shumë të rinj që kanë qenë personazhe dhe kanë ndikuar gjatë vitit 2016.

Çili është kujdesur që ?bebi? i tij i vogël, përveçse të ishte pjesë e garës, atij ti garantohej fitorja. Kështu, ai do të kishte mundësinë të shkonte në ambientet e kryeministrisë si ?fitues?, për të qenë shpirtërisht sa më pranë kryeministrit Rama, duke i bërë edhe shërbimin e radhës.

Megjithatë, kjo është e para herë që një personazh që nuk ka bërë asgjë në politikë, të fitojë një çmim në këtë fushë. Salianji u fut në PD falë investimit të Henri Çilit, i cili kërkoi ta zgjidhte në krye të FRPD, por dështoi. Më pas ideoi krijimin e një posti të panjohur në PD, sic është ai që mban Salianji sot, për të rritur politikisht marionetën e tij.

Por, duket se i gjithë ky mundim, e gjithë farsa e çmimeve përmes të cilave kërkohet promovimi i tij po shkon dëm. Ndonjëherë fati nuk mund të ndryshohet. Disa persona, me gjithë ?mundimin? që kryejnë, nuk mund të ecin përpara në politikë, për këtë mjafton ti lejosh të flasin dhe veprojnë. Kjo mjafton që të tregojnë sa vlejnë të tillë personazhe groteskë dhe të pavlerë për politikën. I vetmi shpëtim dhe zgjidhje është servilizmi apo lëpirja pas drejtuesve si proces që shpesh i lodh dhe kryetarët./citynews