E fundit!

12:34 Aktualitet

Kërkesa e protestuesve për kufizimin e mandatit të kryeministrit/ Berisha: PD e gatshme ta votojë

Kreu i PD-së, Sali Berisha, deklaroi se Partia Demokratike...

Mbyllet linja e trageteve Tivar-Bari/ Mundësi përfitimi për Portin e Durrësit

16 Dhjetor 2016, 18:51, Aktualitet CNA

Ministria e transporteve e Malit të Zi në datën 3 dhjetor ka ndërprerë linjën e trageteve Tivar-Bari. Kjo linjë i shërbente me transport drejt jugut të Italisë jo vetëm biznesit dhe pasagjerëve malazezë, por edhe atyre serbë, shqiptarë të Kosovës dhe pjesërisht myslymanëve të krahinës së Sanxhakut. Kjo linjë për herë të parë ka lidhur Portin e Barit në Pulje me Tivarin në Mal të Zi në 18 qershor 1965. Linja ndërpreu punën, sepse trageti ?Sveti Stefan II? është një anije 42 vjecare, e cila në vitin 2018 për shkak të legjislacionit detar të BE-së nuk do të lejohej të lundronte më drejt porteve europiane pa kryer më parë punime të thella riparimi dhe modernizimi.

Mundësi për Portin e Durrësit

Mbyllja e kësaj linje është një mundësi më shumë si për Portin e Durrësit ashtu edhe për autotrasportuesit dhe spedicionerët shqiptarë. Nëse drejtuesit e APD-së dhe koncesionari gjerman i Terminalit të pasagjerëve do të punojnë më shumë për marketingun, atëhere një pjesë e rëndësishme e pasagjerëve shqiptarë, serbë, kosovarë, që deri sot kanë përdorur Tivarin për të shkuar në Itali, do të përdornin tragetet e Portit të Durrësit. Importuesit malazezë, kosovarë dhe serbë, që deri dje kanë përdorur Portin e Tivarit për kontaktet e tyre tregtare me Italinë fare mirë mund të përdorin Portin e Durrësit. Një ndërrim i tillë i drejtimit të kësaj pjese të tregëtisë dhe fluksit të pasagjerëve ballkanikë do të ishte dicka me mjaft leverdi si për APD-në Durrës ashtu edhe për subjektet private, që operojnë në port dhe në mbështetje të portit. Spedicionerët shqiptarë nuk duhet ta lenë këtë rast tu hikë nga dora duke rezultuar në një devijim të këtij fluksi pasagjerësh dhe mjetesh trasporti drejt porteve kroate të Splitit (Spalato), Makarskas apo edhe Rijekas (Fiume). Heqja e vizave në rajon dhe liberalizimi i sistemit të dizvoltave nga BE-ja për mjetet me targa serbe dhe malazeze po ashtu mund të përdoren për të lehtësuar kalimin në Portin e Durrësit të këtij fluksi mallrash e pasagjerësh me destinacion Italinë.