E fundit!

16:01 Aktualitet

Deklarata skandaloze e ministres serbe/ PD: Të shpallet non grata dhe të paditet për nxitje të genocidit

Partia Demokratike ka reaguar lidhur me deklaratën e minis...

Inagurohet agjencia e Sigurimeve Shoqerore në Korçë

16 Dhjetor 2016, 18:35, Aktualitet CNA

Ditën e sotme, Ministri i Mirëqenies Sociale dhe Rinisë z. Blendi Klosi, inaguroi Agjencinë e Sigurimeve Shoqërore dega Korcë.

Ai tha se do të vazhdojë pa u lëkundur që me paketën e solidaritetit, ndihmën për pensionistët, për njerëzit me aftësi të kufizuar, për familjet në ndihmë ekonomike e po ashtu për të gjithë ato grupe shoqërore që kanë nevojë për dorën e shtetit, ta shtrijmë në të gjithë Shqipërinë.

Fjala e plotë e Ministrit Klosi:

Sot së bashku me Kryetarin e bashkisë së Korcës dhe drejtuesit më të lartë të Institutit të Sigurimeve Shoqërore, inaguruam për të gjithë pensionistët e qytetit të Korcës dhe të rajonit, zyrën e re të shërbimit për pensionistët. Është një investim I qeverisë shqiptare e cila shkon në linjë me të gjithë paketën e solidaritetit që ne kemi për pensionistët. Para disa ditësh, qeveria miratoi shpërblimin për vitin e ri e cila është në masën më të madhe në histori të dhënë ndonjëherë për këtë shtresë, e cila vjen si pasojë e reformave të mëdha që kemi ndërmarrë në fushën e pensioneve.

Edhe në bashkinë e Korcës, e cila është një nga bashkitë dhe qarqet më të mira të vendit në mbledhjen e të ardhurave dhe shërbimin karshi pensionistëve.

E kemi bërë këtë gjatë këtyre viteve duke e shndërruar reformën e pensioneve në një nga reformat më të suksesshme në vend dhe sot falë kësaj skeme e reforme dhe falë kontributit që japin vetë qytetarët që janë në marrëdhënie pune duke kontribuar më shumë në skemë kemi mundësinë të realizojmë këto reforma dhe këto shpërblime e investime në të gjithë territorin e vendit.

Do të vazhdojmë pa u lëkundur që me paketën e solidaritetit, ndihmën për pensionistët, për njerëzit me aftësi të kufizuar, për familjet në ndihmë ekonomike e po ashtu për të gjithë ato grupe shoqërore që kanë nevojë për dorën e shtetit, ta shtrijmë në të gjithë Shqipërinë.

Falenderoj edhe një herë të gjithë stafin e Institutit të Sigurimeve Shoqërore dhe jo vetëm degën e Korcës por të gjithë Shqipërinë, pasi puna e tyre, mënyra sesi funksionon ky institucion ka bërë të mundur që këto reforma të kenë sukses.

Edhe në herë nga Korca i urojmë të gjithë pensionistët Gëzuar Festat dhe ta gëzojnë shpërblimin e dhënë nga Qeveria Shqiptare!