E fundit!

10:15 Aktualitet

VIDEO-Protestë nga burgu i Pojskës/ E burgosura: Rama jep dorëheqjen

Një e burgosur në burgun e Pojskës është filmuar nga drita...

Faktet/Si dhe pse po shkatërrohet PD-ja në jug?!

14 Dhjetor 2016, 08:19, Aktualitet CNA

Forca më e madhe politike në vend po mer një goditje fatale në degët e saj të jugut.

Javët e fundit futja në proces zgjedhor e bashkisë Vlorë, Selenicë dhe Himarë ka sjellë përcarje të forta në bazë.

Delegimi i Flamur Nokës, në këto degë ka bërë që strukturat të përplasen me të dërguarin e Lulzim Bashës. Noka nuk lejon njerëzit të garojnë, shkarkon dhe emëron kryetarë seksionesh dhe grupseksionesh, heq emrat e demokratëve që kanë mbështetje nga gara, përflitet se persona me precedent penalë kanë marë mbështetjen e Nokës, dhe ka larguar nga strukturat njerëzit dhe mbështetësit me kontribute dhe të vlerësuar nga qytetarët.

Në Himarë kuvendi i degës nga 100 delegatë pati vetëm 39 dhe kryetari u zgjodh me 27 vota, ish-sekretari i OMONIA-s në këtë zonë.

Në Vlorë situata paraqitet edhe më tronditëse. Kryetarë seksionesh dhe grupseksionesh të shkarkuar në vend të tyre emërohen me letër dhe firmën e Nokës, personat që ai mendon se do votojnë në kuvendin e degës kandidatin e preferuar të tij. Në Novoselë nuk zhvillohen zgjedhjet dhe Noka përjashton nga grupseksioni anëtarët e kryesisë dhe përsonat që e kundërshtojnë. Në komunën Qendër nga 1 ndërtohen 2 grupseksione pa vendim kryesie.

Në Bashkinë Selenicë demokratët kërkojnë që të jënë në garë të gjithë kandidatët, Flamur Noka dhe Lulzim Basha përjashtojnë nga gara një kandidaturë me argumentin, ?ti fiton, na duhet një humbës?. Dhe humbja duket se ka marrë rrugën e saj.

Në degën e Sarandës PD drejtohet nga një kryetar ish-mbështetës i Kreshnik Spahiut dhe AKZ në kohën kur ai ishte kundër demokratëve. Përplasjet e forta edhe në degën e Sarandës e kanë coptuar më tej PD në këtë qytet.

Në jug PD duket të jetë në ditët e saj më të këqija. Pas Sarandës, shpartallohet Himara, Selenica dhe Vlora.

Flamur Noka shkon të bëjë zgjedhje por në fakt nga pas një ?tokë të djegur? elektorale me struktura të përcare dhe në konflikt. Flamuri ikën dhe nuk shfaqet më pas ditës së shtunë, por problemet, përcarja dhe konfliktet ngelen sërish aty tek edemokratet e Vlores. Lulzim Basha pritet të shkojë në fushatë me disa degë të shpartalluara në jug të vendit, me shpresën se fushata do mbyllë gjithcka, por mund të ndodhë që fushata të japë edhe përgjigjen për nxitësit e përcarjes, por edhe drejtuesve që nuk zgjidhin ceshtjet e debatueshme dhe vetem i hedhin benzinë zjarrit.

Ajo që po ndodh në Vlorë është shembulli sesi konceptohet nga Lulzim Basha dhe njerëzit e tij, hapja, bashkimi dhe ndryshimi i PD. Shpartallimi i bazës në fakt është një ndryshim, një ushtri pa ushtarë vetëm Basha me ndihmën e Flamur Nokës mund ta ndërtojë./Citynews