E fundit!

19:39 Aktualitet

"Rama jepe dorëheqjen"/ Diaspora proteston në Bruksel

Diaspora po zhvillon sot një protestë përballë godinës së ...

A do i strehojë Rama lesbiket arabo-saudite në Shqipëri?!

13 Dhjetor 2016, 20:21, Aktualitet CNA

Në Arabinë Saudite për shkak të zbatimit të një korpusi ligjor të bazuar në ligjin islamik Sheriat, personat LGBT rrezikojnë të dënohen deri me vdekje për prirjet e tyre seksuale. Në rastin e gjykimit të parë (kur konstatohet për herë të parë shkelja e ligjit prej tyre duke kryer marëdhënie seksuale të tipit LGBT) dënimet variojnë nga burgimi me disa vite burg deri në burgim të përjetshëm. Krahas dënimit kryesor shpesh gjykatat saudite japin edhe dënime plotësuese me gjobë, me kamzhikim në publik, me tredhje me preparate kimike, me tortura apo edhe me vdekje. Dënimet me vdekje kryhen me prerje koke nga xhelati i gjykatës ose dhe me lincim publik nga grupe banorësh të radikalizuar. Nëse personi LGBT përfundon para gjykatës për herë të dytë ai dënohet automatikisht me vdekje.

Komitetet për promovimin e virtytit dhe parandalimin e vesit

Në Arabinë Saudite me dekret mbretëror, që në vitin 1980 funksionojnë Komitetet për promovimin e virtytit dhe parandalimin e vesit. Thelbi i funksionimit të këtyre komiteteve është, që në Arabinë Saudite të zbatohet në mënyrë strikte Ligji i Sheriatit, sidomos përsa i përket fushës së moralit, ku hyn dhe ndalimi dhe perskutimi i komunitetit LGBT.

Media arabo-saudite ?Albawaba.com? në një shkrim të sajin shpreh shqetësimin e këtyre komiteteve për femrat liberale arabo-saudite, që po u prishin mendjen (brainwashing) vajzave të reja, që manifestojnë sjellje prej lesbikeje. Kjo medie arabe ofron kopje të mesazheve në Twitter, ku këto femra liberale i këshillojnë lezbiket arabo-saudite, që pa lajmëruar njerëzit e shtëpisë, të largohen nga Arabia Saudite dhe të kërkojnë strehim (azil) për arësye humanitare në vende të tilla si Shqipëria apo Republika e Koresë. Në mesazhet twitter theksohet fakti se një strehim në Shqipëri ofron mbrojte dhe siguri për femrat lesbike, sepse qeveria e atij vendi (Shqipërisë) është miqësore ndaj femrave me prirje lesbike.

Normalisht unë si shqiptar duhet të ndjehem krenar, që Qeveria Rama e ka shndërruar Atdheun tim në një vend fanar ndricues përsa i përket mbrojtjes së të drejtave të lesbikeve. Një strehim i tillë i lesbikeve arabo-saudite në Shqipëri po ashtu, me siguri do u shërbente OJF-ve shqiptare, që trajtojnë problematikën LGBT, si një sebep i arsyeshëm për të tërhequr më shumë fonde nga donatorët e huaj sidomos nga Brukseli dhe USAID-i amerikan. Afër mendsh sa më shumë valutë e fortë të hyjë në Shqipëri aq më mirë është.

Fatkeqësisht strehimi i mundshëm i lesbikeve arabo-saudite në Shqipëri, njëlloj si dhe strehimi i muxhahedinëve meorigjinë iraniane të MEK-ut mund të shkatojë edhe probleme. Theksojmë këtu se Mbretëria e Arabisë Saudite ka qenë një donator i fuqishëm përsa i përket Shqipërisë këto 26 vjet. Ndër donacionet e Arabisë Saudite krahas fondeve të shumta për ndërtim xhamish dhe publikim literature fetare jo pak fonde kanë shkuar edhe për infrastrukturën shqiptare, objekte social-kulturore sidomos ato në fushën e mjekësisë. Një sfidim i tillë i Mbretërisë Saudite mund të sjellë komplikacione përsa i përket lëvrimit të këtyre donacioneve si edhe vështirësi në marëdhëniet diplomatike reciproke. Kujtojmë këtu qëndrimin e flaktë pro shqiptar të Mbretërisë së Arabisë Saudite gjatë Luftës së Kosovës dhe më pas me njohjen zyrtare nga Arabia të shtetit të Kosovës. Mbetet për tu parë, nëse qëllimi i mirë dhe humanitar i Qeverisë Rama për të strehuar këto lesbike arabe , si të thuash ia vlen barra qiranë. Pa harruar edhe faktin, që një strehim i tillë i këtyre lesbikeve (arabo-sauditët nuk kanë nevojë për vizë për të hyrë në Shqipëri)mund të shërbejë edhe si bezja e kuqe para brirëve të demit për islamikët radikalë shqiptarë dhe vecanërisht për celulat shqiptare të Daesh-it. Me një polici të korruptuar dhe të kanabizuar si ajo shqiptare, zor se mund të mbrohen lezbiket arabo-saudite nga akte të mundshme terroriste të luftëtareve të ISIS-it në trojet shqiptare në Ballkan.

Nga GJERGJ THANASI