web counter
LEXO PA REKLAMA!

SHKARKO APP

App Store
Google Play

Video/ Tentojnë të vrasin djalin nga Puka, killerat harrojnë frenat e dorës dhe makina përfundon në humnerë

13 Dhjetor 2016, 21:22, Aktualitet CNA

Në korrik të vitit 2015 tentohet të kryhet një tentativë vrasjeje ndaj një të riu në Fushë-Arrëz, Pukë. Nga pamjet e kamerave, të siguruara nga “Jeta osh Qef”, duket se si djali po vjen me një makine tip Audi dhe ndalon, kur befas pas tij vjen një makinë tip Mercedes-Benz. Nga makina e dytë dalin dy të rinj me armë, ku njëri prej të cilëve duket se si e mbush pistoletën dhe qëllon dy herë ndaj djalit. Fatmirësisht objektivi i atentatit arrin të shpëtojë dhe i jep gaz makinës duke u larguar.

Por përveçse nuk arrijnë dot të realizojnë vrasjen, dy personat me sa duket nga emocionet, harrojnë të vendosin frenat e dorës te makina e tyre. Për pasojë në momentin që objektivi i atentatit largohet, njëkohësisht ?largohet? edhe makina e tyre. Ajo bie në humnerë prej gati 50 metrash duke u bërë copë e çikë. Të papara janë momentet kur dy autorët vrapojnë me armë në dorë pas makinës që po bie në humnerë. Një histori vërtetë tragjiko-komike që mund të ndodhë vetëm në Shqipëri.

Ndërkohë djali i cili ishte objektiv i kësaj tentative vrasjeje, informon se as policia e Pukës dhe as gjykata nuk kanë marrë mundimin të merren me këtë çështje. Ai madje akuzon edhe shefin e komisariatit të Pukës i cili sipas tij ka lidhje familjare me dy autorët e ngjarjes të cilët raportohen se janë vëllezër.

Më poshtë, video





Lajmet e fundit nga