E fundit!

21:15 Aktualitet

"Një çoban e denoncoi"/ Si ra policia e Korçës në gjurmët e autorit të vrasjes së efektivit

Gazetarja Glidona Daci, në një lidhje me emisionin Opinion...

Ministri Ilir Beqaj flet për koncesionet e Shëndetësinë 6 muaj para zgjedhjeve

13 Dhjetor 2016, 20:57, Aktualitet CNA

Ministri i Shëndetësisë, Ilir Beqaj, i ftuar në emisionin ?Studio e Hapur? të moderators Eni Vasili, ka sqaruar partneritetet publik-privat për hemodializën, check-up-in, dhe streilizimin.

Beqaj është ndalur edhe tek koncesioni për laboratorët, i cili ka hasur kundështime të shumta nga bluzat e bardha, madje ka patur edhe protesta nga laburantët.

Do doja të flisnim së pari për koncesionet. Ka patur akuza për këto koncesione, madje edhe protesta nga laburantët.
Këto nuk janë koncesione, por partneritet publik-privat. Koncesioni është një e drejtë që shteti e ka dhe vendos t?ia japë dikujt. Ligji që flasim ne është partneritet, ku shteti i thotë privatit t?i kryej disa misione që unë kam detyrë për t?i kryer, ose t?i kryejmë së bashku. Partneriteti i dializës është një rast tipik ku unë jam i detyruar t?ia garantoj dializën një pacienti tre herë në javë, dhe për këtë më ndihmon privati. Edhe sa i takon check-up është njësoj. Partneri privat ndihmon në realizimin e këtij procesi. Sa i takon atij që quhet sterilizimin, që në fakt është furnizime instrumente mjekësore të rëndësishme. Kur shqiptarët të hyjnë në sallat e operacionit kam për detyrë të operohen me cilësi dhe me standard steriliteti. Dhe privati i sterilizon ato, i çon në salla, furnizon ekipin mjekësor, dhe më pas i rimerr për sterilizim. Ndërsa ato që janë njëpërdorimshe, i çon për riciklim. Nuk po i japim gjë privatit.

Po i jepni para shumë?
Nuk po u japim para. Ky është dallimi mes partneriteti dhe tenderi. Në 3 vitet e kontratës, riinvestohet. Do të mbeten instrumentet kirurgjikalë, sistemi ku bëhet hemodializa, laboratorët e chekck-up, pra kur të përfundojë kontrata. Gjendja në spitale ka ndryshuar po të pyesim kirurgët e QSUT kanë bërë revolucion në eksperiencën e tyre, për shkak të instrumenteve të rinj. Sot një vit, të gjithë kirurgët e Shqipërisë do të mund të kenë këto instrumente. Rezultati në dializë është shumë i mirë.