web counter
LEXO PA REKLAMA!

SHKARKO APP

App Store
Google Play

E fundit!

x

Një mesazh në 26 vjetorin e Partisë Demokratike/ Nga Elvi FUNDO

11 Dhjetor 2016, 09:27, Aktualitet CNA

Partia Demokratike, forca që përmbysi sitemin komunist në Shqipëri sot feston 26 vjetorin e lindjes.

Ditëlindje që përsëriten shpejt, vitet ikin dhe PD gjithmonë bën bilancet e saj në pushtet, opozitë, sërish në pushtet dhe tani në opozitë. Bilanc që për klasën politike, qoftë edhe për kundërshtarët, ka sukseset dhe fitoret e veta, ashtu si ka edhe dështimet.

Duke lenë mënjanë historinë dhe lavdinë, analiza e sotme shkon shumë me foton shoqëruese të këtij shkrimi. Varka e PD shpesh ka futur ujë por ajo ka rezistuar, tani disa interesa personale, servile dhe klienteliste po e sharrojnë cdo dite.

Sot në 26 vjetorin e saj fatkeqsisht PD është në krizë identiteti.

U themelua si një lumë shpresash të shqiptarëve, për të realizuar ëndrat e tyre dhe ato që historia iu kishte mohuar. Një lumë i dalë nga shtrati shndruar në një përrua, fundi apo derdhja e të cilit nuk dihet.

Detyrë imediate e cdo demokrati dhe cdo shqiptari që e konsideron opozitën, jo vetëm pushtet moral por dhe garanci të sistemit, është kthimi i PD në identitet, nështratin e saj.

Ndalimi i rrudhjes dhe ikja nga identiteti është një mission që duhet të fillojë sa më shpejt, në të kundërt pasojat mund të shkojnë në zvogelimin e saj deri në shifra të pabesueshme.

Zgjedhjet nuk janë larg, por PD më shumë problem se fitoren e tyre, ka identitetin e saj.

Shumë pyesin cfarë po ndodh në PD? Përgjigjen e gjeni më lart. Më tej nuk vlen të zgjatem./Citynews





Lajmet e fundit nga