web counter
LEXO PA REKLAMA!

SHKARKO APP

App Store
Google Play

Ja mashtrimi i MAS me akreditimin e universiteteve

11 Dhjetor 2016, 08:38, Aktualitet CNA

Ish-ministri i Arsimit, Myqerem Tafaj, e konsideron thjesht një fasadë akreditimin e gjashtë universiteteve të para në vend. Konkretisht, bëhet fjalë për akreditimin e katër universiteteve publike dhe dy private, por për Myqerem Tafajn ky proces ka qenë shumë i përciptë, shumë formal, pasi nuk është bërë akreditimi i programeve të studimit, standardet e mësimdhënies etj.

Madje, Tafaj thekson se diçka e tillë nuk kishte se përse të bëhej fare për universitetet publike në vend. Për të ilustruar këtë, ish-ministri i Arsimit sjell shembullin e Austrisë, ku universitetet publike nuk kanë se përse i nënshtrohen fazës së parë të akreditimit, pra atij formal para syve të publikut. ?Ajo që ju e quani akreditim, në fakt ka qenë thjesht një proces forma, një fasadë. Sidomos për universitetet publike në vend. Nuk ka njeri që nuk e njeh universitetin Politeknik fjala bie, apo Universitetin Bujqësor, ndaj kjo mund të ishte kursyer para syve të publikut. Dua të sjell këtu shembullin e Austrisë, e cila nuk e përdor fare këtë fazë të akreditimit të universiteteve publike, sigurisht vetëm nëse këto të fundit e kërkojnë vetë. Pra, realisht nuk kemi pasur të bëjmë fare me akreditime, sepse pjesa thelbësore e këtij procesi ka të bëjë me kontrollin edhe certifikimin e programeve të universiteteve. Pra kjo është baza. Ndërkohë që ajo që është bërë ka qenë shumë e përciptë, thjesht një fasadë?, ka deklaruar ish-ministri i Arsimit për gazetë nSOT. Myqerem Tafaj sjell gjithashtu në vëmendje faktin që universitetet publike në vend kanë qenë të akredituara, çka sipas ish-ministrit të Arsimit fakton qartë se akreditimi i bërë nga MAS për 6 universitete nuk tregon asgjë por është thjesht një procedurë burokratike në sytë e publikut./Citynews





Lajmet e fundit nga