E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Nga Mentor Kikia/ Studentët e ’90-ës po plaken, por demokracia nuk erdhi

11 Dhjetor 2016, 12:45, Aktualitet CNA

Dita e krijimit të një partie politike nuk është një gjë për tu kujtuar apo më shumë, festuar. Por 11 Dhjetori është më shumë se dita e krijimit të PD-së. E megjithatë ajo nuk është një ditë feste, por një ditë historike, që duhet të shërbejë për reflektimin e klasës politike. Atëkohë ne që mbushëm sheshet e protestave nuk e dinim se çfarë është demokracia, por dinin se çfarë është diktatura. Nuk e dinim se cfarë ishte liria, por dinin çfarë ishte mohimi i lirisë. Nuk e dinin çfarë ishte Europa, por dinin se cfarë ishte Shqipëria e uritur.

Sot, pas 26 vjetësh, më shumë se cerek shekulli, dhe mjaftueshëm kohë që të mos i drejtohemi më flajëve ?Liri? dhe ?Demokraci?, ne sërish dëgjojmë thirrjen pët tu bashkuar si atëherë, dhe sërish në emër të Lirisë dhe Demokracisë. Padyshim që kjo është një thirrje politike, prag-elektorale, që del nga selia e Partisë Demokratike, por jo krejt e pabazë.
Demokracia është ende larg, edhe pse ata të rinj që e këkruan me zë të lartë atëkohe, sot janë duke u plakur. Ne vazhdojmë të jemi një shoqëri në tranzicion, edhe ekonomik, edhe politik, edhe demokratik, paçka se mungesën e demokracisë partitë e vënë re vetëm kur zbresin në opozitë.

Sepse shqiptarët nuk zgjedhin ende të lirë deputetët dhe qeverinë e tyre. Sepse ata vazhdojnë të votojnë nën presionin e vendit të punës. Votojnë nën ?presionin? e interesit dhe parasë që u ofrohet. Vota jonë nuk u bë dot kurrë simbol i poshtetit të popullit, por mbeti një plaçkë që gjithmonë këmbehet me diçka. Ligji elektoral në këtë vend është shndërruar në mekanizmin që synon fuqizmimin e atij që ka pushtetin dhe vdes çdo përpjekje të re politike.
Duket se jemi të dënuar për të qenë gjithmonë një vend gjysmë i lirë e gjysmë demokratik, ose një vend ?hibrid? siç edhe përkufizohet rregullisht, çdo vit, nga raportet ndërkombëtare për shkallën e lirisë dhe demokracisë.