web counter
LEXO PA REKLAMA!

SHKARKO APP

App Store
Google Play

E fundit!

x

Diferencimi i mbetjeve/ Veliaj: Nis më 12 dhjetor, gjoba për të papërgjegjshmit

6 Dhjetor 2016, 08:27, Aktualitet CNA

Më 12 dhjetor, qytetarët e Tiranës do të duhet t?i hedhin mbeturinat në mënyrë të diferencuar, ose përndryshe do të gjobiten. Këtë deklaratë e ka bërë ditën e djeshme Kreu i Bashkisë së Tiranës, Erion Veliaj, në një aktivitet ku Kompania ?Eco Tirana? prezantoi mjetet e reja të cilat, jo vetëm do të modernizojnë shërbimin e mbledhjes së mbetjeve dhe pastrimit, por do të reduktojnë ndotjen e ajrit.

I pranishëm në këtë aktivitet ishte edhe ambasadori italian në Tiranë, Alberto Cutillo dhe administratori i ?Eco Tirana?, Diego Testi.

?Kemi dy kontenierë: një i gjelbër, me kapak të verdhë, që është për mbetjet e riciklueshme si letra, plastika, kanoçe, kurse kontenieri tjetër me ngjyrë blu dhe kapak gri, është vetëm për gjërat që nuk riciklohen, pra kryesisht mbetje organike, nga gatimi?, tha Veliaj.

Ky i fundit ka shtuar se duke nisur që nga data 12 dhjetor e javës tjetër do të nisë diferencimi i plehrave dhe ekipet e bashkisë do të certifikojnë administratorët e pallateve. Veliaj theksoi se një ndër detyrat e administratorëve do të jetë edhe vënia e gjobës për atë banor të pallatit që i hedh plehrat nga ballkoni, që i lë te dera e pallatit, që bën sikur i ka harruar në ashensor.

Në Tiranë do të vendosen 850 kazanë ku do të hidhen mbetje të diferencuara. Ndërkohë që ?Eko Tirana? ka 12 automjete të kategorisë ?Euro 6? me ndikim minimal në ndotje, tri makina fshirëse për mbledhjen e pluhurit në rrugë dhe një makinë për larjen dhe dezinfektimin e kazanëve./ Citynews





Lajmet e fundit nga