web counter
LEXO PA REKLAMA!

SHKARKO APP

App Store
Google Play

E fundit!

x

Emrat/ Ja kush janë 4 të huajt që do asistojnë në arrestimet “VIP”

6 Dhjetor 2016, 08:00, Aktualitet CNA

Me ngritjen e Byrosë Kombëtare të Hetimit dhe Prokurorisë Speciale, gjyqtarët, prokurorët dhe politikanët e korruptuar nuk do të kenë më asnjë shpëtim.

Sipas gazetës ‘Sot’ ditën e djeshme janë bërë publikë emrat e personave që do asistojnë në luftën kundër krimit dhe korrupsionit. Ajo që dihej ishte se do ndiqej shembulli kroat dhe rumun për arrestime ?VIP?, por nuk kishte asnjë informacion se kush do e japë asistencën.

Ambasada e SHBA organizoi dje një konferencë tre-ditore, në të cilën marrin pjesë të gjithë personalitetet që do asistojnë në BKH me SPAK. Në konferencë janë zbardhur emrat e personave që do asistojnë në luftën kundër krimit dhe korrupsionit.

Agjenti i FBI që do jetë pjesë e Byrosë do jetë Robert Beckman. Ai është agjent special dhe me dhjetra vite përvojë. Ndërkohë, bashkë me të në Tiranë ka mbërritur dhe Prokurori Federal i Shteteve të Bashkuara Mark Chutkow. Edhe ai ka shumë përvojë dhe do asistojë në gjetjen e parave të pista dhe të fshehura jashtë vendit. Ndërkohë një rol të rëndësishëm do kenë dhe dy femra. E para është Florentina Mirica, e cila është prokurore në Rumani. Ajo është pjesë e Prokurorisë Speciale atje dhe ka marrë pjesë në hetimin e dhjetra zyrtarëve, teksa për shkak të hetimeve të saj shumë prej tyre kanë përfunduar në burg. Ndërsa personi tjetër është gjykatësja kroate Koraljka Bumci. Ajo është e njohur në Shqipëri pasi ka asistuar në hartimin e ligjit për luftën ndaj korrupsionit. Pas kësaj ajo tani do të ndihmojë për zbatimin e tij në praktikë. Të katërt personat në fjalë kanë marrë pjesë në konferencë ku do shprehin mendimet e tyre për korrupsionin në Shqipëri./ Citynews





Lajmet e fundit nga