Klodian Tomorri: Kauza e madhe e LSI-së me gazin, e pandershme dhe qesharake

30 Nëntor 2016, 17:53, Aktualitet CNA

Gazetari i ekonomisë, Klodian Tomorri, e cilëson kauzën e LSI-së kundër rritjes së akcizës së gazit si qesharake.

Përmes një postimi në rrjetet sociale, Tomorri shprehet se argumenti mjedisor për gazin është tërësisht i pavërtetë. Ai thekson se gazi nuk është miqësor me mjedisin sepse ashtu si nafta shkakton karbon në atmosferë. Sipas tij, në SHBA, gazi akcizohet njësoj si nafta, ndërsa në Shqipëri po propozohet të jetë sa një e treta e akcizës së naftës.

?Kauza e rreme mjedisore e gazit

Kjo kauza e madhe e LSI me akcizen e gazit, pervecse politikisht e pandershme eshte komplet qesharake.

Argumenti mjedisor per gazin eshte teresisht i pavertete. Gazi nuk eshte miqesor fare me mjedisin, por e ndot ate sepse ashtu si nafta cliron karbon ne atmosfere. Ne SHBA, gazi akcizohet njesoj si nafta. Ne Shqiperi taksa po propozohet te jete sa nje e treta e akcizes se naftes.?, shkruan Tomorri

Më tej, ai thekson se nëse LSI do ta kishte seriozisht çështjen e mjedisit do të kërkonte lehtësimin e taksave mbi biznesin sepse Shqipëria është i vetmi vend në botë që i ka vënë taksë karboni bizneseve. Një tjetër argument i Tomorrit është fakti se paketa fiskale propozohet nga qeveria dhe një pjesë e saj është edhe LSI.

?Nese LSI do e kishte seriozisht ceshtjen e mjedisit duhet te kerkonte lehtesimin e taksave mbi benzinen. Nuk eshte gazi, fosili me miqesor me mjedisin. Eshte benzina.

Shqiperia eshte vendi i vetem ne bote qe i ka vene takse karboni benzines, e cil nuk cliron fare karbon. Por as Ministria e Mjedisit dhe as LSI nuk kane kerkuar ndonjehere uljen e taksave te benzines. Ndaj ky argumenti qe perdoret per te kerkuar anulimin e akcizes se gazit eshte teresisht demogagji.

Se dyti, kjo eshte nje levizje politikisht e pandershme. Paketeta fiskale propozhet nga qeveria. Gjysma e qeverise eshte LSI.

Dmth LSI nga njera ane e miraton paketen ne qeveri, nga ana tjeter kerkon anullimin e saj ne Kuvend.

Nje force politike nuk mund te jete edhe ne qeveri edhe ne opozite. LSI e tenton shpesh kete rol. E tentoi edhe me Sali Berishen dikur. Vetem se me ate burrin skemat nuk ecin.?, përfundon Tomorri