web counter
LEXO PA REKLAMA!

SHKARKO APP

App Store
Google Play

E fundit!

x

Deklaratat e PD për drogën/ Reagon MPB: Duhet kuptuar se sukses është kur kapet droga, jo kur kalon pa e kapur njeri

30 Nëntor 2016, 15:41, Aktualitet CNA

Pas deklaratave të koordinatorit demokrat për rendin dhe sigurinë, Enkelejd Alibeaj, i cili tha se mbi 2 ton drogë kanë kaluar nga kufijtë tanë për në Greqi dhe në Itali, ka reaguar Ministria e Punëve të Brendshme. Kjo e fundit thekson se PD konsideron rezultat kur nuk kapet asgjë, ndërkohë që MPB konsideron rezultat kur kapet drogë në bashkëpunim me partnerët.

Reagimi i plotë i Ministrisë së Punëve të Brendshme.

Ministria e Punëve të Brendshme konsideron rezultat, kur kapet drogë duke bashkëpunuar me partnerët. Partia Demokratike konsideron rezultat kur nuk kapet asgjë.

Nëse do gjente kohën për t?u hedhur qoftë edhe një sy deklaratave të partnerëve në fund të çdo operacioni të përbashkët kundër narkotikëve, zyrtari i PD-së do ta kishte më të lehtë të mos dilte në përfundime si këto të sotmet, që rezultatet e përbashkëta kundër trafikimit i numëroi si dobësi e punës së Policisë së Shtetit!

Në fakt këtë PD-ja nuk e ka për herë të parë. Në memorien e çdokujt janë deklaratat e opozitës që për çdo parcelë me kanabis të shkatërruar nga Policia, dilte në konferencë shtypi dhe fliste për lidhjet të strukturave policore me krimin.

Është një fakt i pamohueshëm që 3 vitet e fundit, niveli i bashkëpunimit të Policisë së Shtetit me Policitë e vendeve partnere është në standarde të panjohura më herët.

Është ky bashkëpunim që ka dërguar para drejtësisë dhjetëra trafikantë narkotikësh, ka bërë të dështojnë shumë tentativa për dërgimin e lëndëve narkotike drejt vendeve të huaja, apo të sekuestrohen sasi të konsiderueshme droge.

Dhe janë rezultatet kundër paligjshmërisë, krimit të organizuar dhe veçanërisht kundër kultivimit të narkotikëve, që evidentohen si sukses në raportin e fundit të Komisionit Europian.

PD bën mirë të kuptojë se sukses është kur e kap drogën, siç po bëjmë bashkë me partnerët, e jo kur droga kalon pa e kapur njeri. Ndaj lajmi që kapen trafikantë, është lajm i mirë, jo lajm i keq, si ato që kërkon të sajojë PD-ja./ Citynews





Lajmet e fundit nga