Meta-Veliaj bashkë kundër Tahirit

30 Nëntor 2016, 11:45, Aktualitet CNA

Erion Veliaj, Kryebashkiaku i Tiranës është nga të vetmit personazhe në PS që ka një marrëdhënie gati të shkëlqyer me Kreun e LSI-së dhe Kuvendit, Ilir Meta. Janë disa raste ku Veliaj shprehet publikisht në mbështetje të Metës dhe LSI-së. Disa e interpretojnë se Veliaj është i detyruar për shkak të numrave në Këshillin Bashkiak, por në fakt kjo nuk është e vërteta.

Citynews ju sjell disa raste ku Erion Veliaj ?i përulet? Kreut të PS-së Ilir Meta.

Erion Veliaj: Unë besoj që ne Bashkinë e Tiranës, ndoshta jemi një nga vendet që ka aplikuar më shumë atë filozofi të Kryetarit të Kuvendit, Kryetarit të LSI-së, mikut tonë Ilir Metës që ka shumë më shumë gjëra, jo vetëm ne si të majtë, por ne si shqiptarë, ne si të rinj, që na bashkojnë më shumë se sa gjërat që na ndajnë?

Erion Veliaj: Kam pasur një përvojë të shkëlqyer me Metën në këtë 1 vit e gjysmë. Do të ishin të pamundura këto reforma nëse s?do të ishte mbështetja e Ilir Metës. Ka qenë kyç që disa vendime kritike të kalonin në një kohë rekord në Parlament, dhe disa ligje u bënë realitet falë kurajos së Ilir Metës. Ndjehem i nderuar që Ilir Meta mbështet kandidaturën time. Kam qenë i qartë që në momentin që u krijua ky koalicion.

Aleanca Meta-Veliaj ka kohë që është e dukshme dhe ka vetëm një qëllim, goditjen e Saimir Tahirit, Ministrit të Brendshëm, krahut të djathtë të Ramës, i cili shihet si një rrezik nga Kryebashkiaku i Tiranës në garën për Kreun e PS-së.

Ilir Meta dhe njerëzit e tij prej kohësh kanë filluar sulme të forta ndaj Ministrit të Brendshëm, janë thuajse në një linjë me opozitën. Ndërsa Veliaj në rrogoz, nxit mediat në shërbim të tij që të sulmojnë Saimir Tahirin. Vetë LSI dhe Meta në asnjë rast nuk kanë mbajtur qëndrim kritik ndaj Kryebashkiakut të Tiranës, edhe kur ka pasur skandale siç ka qenë vrasja e Ardit Gjoklajt në varrezat e Sharrës.

Meta-Veliaj kanë një aleancë kundër Saimir Tahirit. Të dy palët e sulmojnë dhe në këtë rast palët janë bashkë për dy arsye: Veliaj për stolin e PS-së, dhe Meta për të marrë Ministrinë e Brendshme dhe për të goditur Edi Ramën. Goditje që në fakt, në fund i intereson edhe Veliajt./ Citynews