E fundit!

21:29 Aktualitet

"Investitorët strategjikë, klientela e Ramës"/ Këlliçi: Ende asnjë zyrtar shteti i arrestuar për aferat më të mëdha

Nënkryetari i PD-së, Belind Këllliçi ka folur mbrëmjen e s...

Dy mijë vende të lira pune në Gjermani/Procedura si të aplikoni

20 Nëntor 2016, 07:51, Aktualitet CNA

?Erfat-Shtojber? është zyra më e re e punësimit, e inauguruar një ditë më parë në Gjermani. Kjo zyrë e re, u ofron aplikantëve punësim në kushte të njëjta me shtetasit gjermanë, por mbi të gjitha edhe pa kosto ndërmjetësimi. Shqiptarët gjithnjë e më shumë po shohin mundësi të ndryshme për të shkuar në Gjermani.

Sipas “Panoramës” kjo zyrë ofron 2 mijë vende pune për minatorë. Këto vende pune janë lancuar që ditën e parë, ndërsa më vonë një larmi profilesh punësimi do të jenë në dispozicion për krahun e lirë punëtor.

Për të aplikuar për një vend pune në Gjermani nëpërmjet zyrës së punësimit ?Erfat-Shtojber? nevojitet vetëm karta e identitetit. Ndryshe nga dhjetëra agjencitë që operojnë sot në treg, me dhe pa licencë, të cilat u mbajnë punëkërkuesve një tarifë ndërmjetësimi, kjo agjenci nuk do e bëjë një gjë të tillë.

Aplikantit i duhet vetëm të paraqitet në këtë zyrë dhe të plotësojë një formular me të dhënat e tij, i cili i shkon shtetit gjerman. Mjafton që personi të mos jetë i ndjekur penalisht që të vijojë procedura e punësimit, për vendin që ofrohet.

Pas përgjigjes pozitive, agjencia kryen aplikimin për vendin e punës, nga ku siguron detajet për fillimin e punës: dita, ora, akomodimi e të tjera. Në këtë moment, aplikanti në prag të fillimit të punës ndodhet përpara dy zgjedhjesh: mund t?i marrë përsipër të gjitha vetë, ose t?ia lërë në dorë agjencisë.

Kjo e fundit është e gatshme nëpërmjet bankës gjermane ëolksbank të mbulojë të gjitha shpenzimet e duhura për një person në nevojë. Ndërkohë, vetëm pasi ai të ketë filluar punë, detyrimet do të shlyhen muaj pas muaji duke i mbajtur një shumë modeste.

Në këtë rast shteti gjerman kërkon 2 mijë minatorë, të cilët mund të punësohen me kontrata të rregullta pune 3-vjeçare kundrejt një pagese prej 2800 eurosh në muaj. Sigurisht që paga është në varësi të profilit të zanatçinjve që do të kërkohen.

Ndërsa pozicionet e tjera që mund të nevojiten në këtë agjenci janë: marangoz, tornitor dhe punëtor krahu në ndërtim. Me rëndësi është fakti se një i punësuar atje ka të njëjtat të drejta, pagë e siguracione me shtetasit gjermanë.
Kjo agjenci ka deklaruar se gjuha e huaj apo shkollimi nuk është kusht për të aplikuar për një vend pune pranë kësaj zyre.