web counter
LEXO PA REKLAMA!

SHKARKO APP

App Store
Google Play

Astrit Patozi poezi për mikun e ngushtë Sokol Olldashi/ Dita fillon në nëntë e çerek

20 Nëntor 2016, 09:55, Aktualitet CNA

Në përkujtim të 3 vjetorit të ndarjes nga jeta të ish-deputetit të Partisë Demokratike Sokol Olldashi, miku i tij i ngushtë Astrit Patozi ka postuar në rrjetin social facebook një poezi për të.

Ditën e djeshme Astrit Patozi, postoi në rrjetet sociale një këngë kushtuar mikut të tij, të cilën e kishte shkruar vetë ai dhe e këndonte po vetë ai.

Ndërsa mëngjesin e sotëm, teksa zhvilloheshin homazhe në kujtim të të ndjerit Sokol Olldashi, deputeti Patozi pikërisht në orën 9:15 poston një poezi për të.

Mësohet se Patozi e ka postuar në 9:15, poezinë me po të njejtin titull, pasi në atë orë dy miqtë e ngushtë pinin së bashku kafen e mëngjesit./ Citynews

Më poshtë poezia e plotë e Patozit, kushtuar mikut të tij të ngushtë:
DITA FILLON NË NËNTË E ÇEREK
(Sokol Olldashit)
Dita nis përditë
Në nëntë e një çerek
Me mungesën e filxhanit tënd përballë
Ok, nuk ke pse e porosit,
Por ti mund ta gjesh
Vijimin e vetes tek tjetri
Pushtuesit modernë
Po u gëzohen trofeve të reja
Prej metrash katrorë
Kurse barinjtë e kamur
Prijnë kope të klonuara
E vërtetë është që
Kujdesen për lulet e qentë
Dhe luten për njerëzimin
Por kasap mund të jesh
Edhe pa therur kurrë
Le ta marrim me shaka
Etjen për të fituar dashuri
Me adrenalinë kazinoje
Nëse do flasim seriozisht,
Mjaftojnë vetëm dy nota
Për të ndarë apo bashkuar botën
Vdekja është vetëm
Një minutë heshtje për jetën
Prej miliona vjetësh
Dhe dita nis përditë
Fiks në nëntë e çerek
Nga mungesa e filxhanit përballë





21:43 Aktualitet

DELIRI I TURTULLIT

DELIRI I TURTULLIT… (diptik) Nga Zef Zefi1-Plasi stuhia në S...

Lajmet e fundit nga