web counter
LEXO PA REKLAMA!

SHKARKO APP

App Store
Google Play

Skenarët e Ilir Metës/ Del emri i zëvendësuesit të Ramës

17 Nëntor 2016, 10:32, Aktualitet CNA

Kreu i LSI-së Ilir Meta, prej disa ditësh i është rikthyer skenarëve të tij të fillim-verës së këtij viti, duke kërkuar që nëpërmjet numrave në Parlament, në prag të zgjedhjeve, të heqë Ramën nga Kryeministri dhe në vend të tij, nëpërmjet aleancave fluide në Parlament të zgjidhet një kandidaturë tjetër.

Grupi parlamentar i PS-së aktualisht ka vetëm 62 mandate, nga të cilët tre prej tyre janë njerëz afër Metës, apo që mund të votojnë një kandidaturë tjetër për Kryeministër, për shkak të përplasjeve dhe pakënaqësive me Edi Ramën.

Ilir Meta duke bashkuar votat me PD-në dhe të pakënaqurit e Ramës, mund të sigurojë që të ketë mbi 72 mandate për të bërë të mundur rrëzimin e Ramës dhe emërimin e një Kryeministri të ri. Emri alternativ që Meta po përdor në qarqet politike si një mundësi për të bashkuar palët, është Mimoza Hafizi.

Deputetja rebele e cila së fundi është larguar nga PS së bashku me deputetin socialist Ben Blushi për të krijuar partinë e re Libra, shihet si një kandidaturë që mund të bashkojë rrymat brenda Parlamentit.





Lajmet e fundit nga