E fundit!

19:13 Aktualitet

Jorida Tabakun e merr malli për Erion Veliajn

Deputetja e Partisë Demokratike, Jorida Tabaku duket se e ...

Basha: Ka parë njëri këtu kokërr leku këto tre vjet?!

17 Nëntor 2016, 10:08, Aktualitet CNA

Kreu i PD-së Lulzim Basha në një bashkëbisedim me drejtuesit e strukturave të partisë së tij në Shijak, ka folur për sa i përket parave të subvencioneve, investimeve dhe faturës së rritur të energjisë elektrike që sipas tij kanë shkuar në xhepat e Kryeministrit Rama. Ai thekson se asnjë qindarkë nuk ka ardhur në xhepat e qytetarëve shqiptarë.

Fjalimi i plotë i Bashës.
Në qeverisjen e Ramës, paratë e subvencioneve, investimeve, faturës së rritur të energjisë kanë shkuar në xhepat e tij dhe miqve të tij
Ska lek për subvencione për bujqësinë thotë Edi Rama. 220 milionë euro që kanë shkuar për shpenzime luksi, ose tendera për shokët, po ti pjesëtojmë me numrin total të fermerëve i bie mesatarisht 500 dollarë për fermer subvencione. Ka parë njëri këtu kokër leku këto tre vjet?! Jo 500 në vit, po kokërr leku?!
120 milionë të tjera ia ka dhënë miqve të vetë për punë publike, fasada, për buzëkuq që s?i hyjnë në punë as dreqit. Ça ndodh?! Mbjell palma në autostradë, autostrada me shiun e parë u kthye në lumë. Shihni faturat e energjisë, ça bënë me ato lekë?! Mos ka bërë linja të reja këtu, mos ka zëvendësuar transformator?! Ja ta them unë se çfarë bën: 5.4 milionë euro ia ka dhënë Pandi Carapulit.
Zgjidhja është zgjedhja që do të bëjmë ne. Paratë që mund të shkonin për ti falur borxhin shqiptarëve. Ky vendos tua marrë borxhin, 30 mijë lekshin, lakun në fyt çdo familje dhe lekët i bënë rrush e kumbulla, i ndan me Pandi Carapulin.
Ja zgjidhja, 220 milionë euro shpenzime luksi, ose tendera për shokët po të vendoste t?i ndante për qytetarët ka para edhe për t?u dhënë fermerëve subvencion, mesatarisht 500 mijë lekë të vjetra në vit, po ti ndash barabar,ka para dhe për të rritur pensionet, për të rritur ndihmën sociale apo për të investuar në infrastrukturë bujqësore, në kanale vaditëse apo kullimi, në fidanë, fara, plehra kimike të cilësisë së lartë pa akcizë, apo në uljen e çmimit të energjisë, oe të naftës. Gjithë këto janë zgjidhjet, kjo është politika, politika s?janë fjalët.
Kur ke pushtetin politika është buxheti, sa taksa mbledh dhe çfarë bën me paratë që mbledh. Ky ka rritur taksat dhe paratë që mbledh i ka vetëm për veten e tij.