web counter
LEXO PA REKLAMA!

SHKARKO APP

App Store
Google Play

E fundit!

x

Ahmetaj tregon skemën/ Sa rriten pagat dhe pensionet

17 Nëntor 2016, 08:59, Aktualitet CNA

Ministri I Financave Arben Ahmetaj shpjegoi dje në Komisionin e Ekonomisë se fondi për rritjen e e pensioneve do të jetë 3,6 miliardë lekë, kurse fondi për rritjen e pagave 7,2 miliardë lekë.

?Ky është buxheti që mbështet rritjen e konsumit të qytetarëve. Është buxheti që shkon në xhepat e qytetarëve, mos e harroni asnjë ditë që shuma prej 100 milionë dollarësh me efekt 12-mujor shkon si shtesë e drejtëpërdrejtë në xhepat e qytetarëve?, tha Ahmetaj.

PENSIONET

Nga 1 marsi rritja e pensioneve parashikohet të jetë 3%, ndërsa fondi për të 3,6 miliardë lekë.

?Kemi një rritje të konsiderueshme të pensioneve përtej indeksimit dhe efekti 12-mujor I pensioneve shkon rreth 3,6 miliardë lekë. Mos harroni që kemi marrë një reformë të rëndësishme të pensioneve ku kemi frenuar rritjen e deficitit në të sector dhe në afatgjatë, sektori do të jetë gjithnjë e më pak barrë për buxhetin e shtetit, duke garantuar një shëndetshmëri të sistemit të pensioneve?, tha ministri Ahmetaj.

Ahmetaj tha edhe për një korrektim të pensioneve për 5 mijë naftëtarë.

?Po përfundojmë korrigjimin ligjin dhe 5 mijë naftëtarë do të përfitojnë pension. Shumat dhe detajet do ti ndajmë në ditët që vijnë?, shtoi Ahmetaj.

Nga 1 prilli pagat për administratën do të rriten 7%, ndërsa pagat për mësuesit dhe mjekët do të rriten 10%.

Sipas Ahmetajt, efekti vjetor për rritjen e pagave llogaritet 7,2 miliardë lekë.

?Pagat e ulëta të administratës mbi 200 mijë lekë do të arrijnë në vlerën 300 mijë lekë. Rritje të konsiderueshme do të ketë edhe paga për ushtarakët, policët dhe pilotët. Rritja e pagave për policinë e burgjeve do të jetë e diferencuar?, u shpreh Arben Ahmetaj. /Citynews





Lajmet e fundit nga