web counter
LEXO PA REKLAMA!

SHKARKO APP

Rama i 10-fishon buxhetin vetes për te vjedhur zgjedhjet

16 Nëntor 2016, 21:05, Aktualitet CNA

Ish-kryeministri i vendit, Sali Berisha, ka akuzuar kryeministrin Edi Rama, se ka rritur me 8 herë buxheti për shpenzimet e kryeministrisë për të vjedhur zgjedhjet e ardhshme parlamentare. Sipas tij, ky është abuzimi më i madh që buxhetor që mund të imagjinohet. Berisha thekson se Buxheti i Ramës është 5 herë më i madh se sa buxheti për të gjitha bashkitë e veriut dhe 18 herë më i madh se buxheti i Presidentit.

Më poshtë, postimi i Berishës

Rama i 10-fishon buxhetin vetes për te vjedhur zgjedhjet

Te dashur miq, ne nje akt vertet banditesk e te pashembullt, Edi Rama ka rritur me 8 herë buxhetin per shpenzimet e vitit te ardhshem per kryeministrine. Të dhënat zyrtare nga Ministria e Financave tregojnë se nga 483 milionë lekë që ishte në vitin 2013, buxheti i Kryeministrisë vitin e ardhshëm do të arrijë në 3.7 miliardë lekë.

Ky është abuzimi më i madh buxhetor qe mund te imagjinohet dhe ka vetem nje qellim; vjedhjen dhe perdorimin e parave te takspaguesve per zgjedhjet nga Rama dhe Partia e tij.

Ky buxhet eshte pese here me i madh se sa buxheti per te gjitha bashkite e Veriut? nga Kamza e lart me mbi 700 mije banore.

Buxheti i Edvinit per kryeministrine eshte 18 here me i madh se sa buxheti i institucionit te presidentit te Republikes nderkohe qe ne vitin 2013 ishte vetem 2.4 here me i madh. sb





Lajmet e fundit nga