web counter
LEXO PA REKLAMA!

SHKARKO APP

App Store
Google Play

E fundit!

x

Ilir Meta gati numrat për rrëzimin e Ramës

16 Nëntor 2016, 10:52, Aktualitet CNA

Kreu i LSI-së Ilir Meta i është rikthyer lëvizjeve të disa muajve më parë ku ai së bashku me disa deputetë, por edhe me mbështetjen e Lulzim Bashës, tentuan që të bënin numrat për të rrëzuar Edi Ramën nga posti i kryeministrit.

Tentativa ngeli vetëm një ide dhe kohë e harxhuar kot pasi numrat Ilir Meta nuk mundi ti kishte dhe mbështetja që PDIU i dha kryeministrit i siguroi këtij të fundit një qetësi të trazuar për disa muaj.

Kreu i LSI-së, ditët e fundit, ka filluar rillogaritjen e numrave për të bërë të mundur largimin e Ramës si kryeministër dhe vendosjen në vend të tij i një tjetër emri brenda së majtës që do të mund të bashkonte rreth vetes edhe disa deputetë socialistë të pakënaqur me Edi Ramën, që mund të bashkojnë votat me Ilir Metën dhe opozitën për të mundësuar një qeveri me bazë të gjerë ku mund të mungojë përfaqësimi i socialistëve.

Grupi Parlamentar i PS-së sot ka më pak deputetë se kurrë. Në zgjedhjet e vitit 2013 PS ka marrë 65 mandate ku përfshihet edhe mandati i deputetit të LSI-së Spartak Braho. Duke hequr deputetët Ben Blushi dhe Mimoza Hafizi Grupi i PS-së kalon në 62 mandate. Duke shtuar edhe 5 deputetët çamë të PDIU-së Aleanca e re PS-PDIU ka vetëm 67 mandate, të cilat në fakt nuk janë të sigurta pasi ka faktorë brenda PS-së që mund të votojnë kundër tij, siç janë një rrymë deputetësh ?të vjetër?, të papërfillur nga Rama. Një deputete që mbahet nën kontroll nga Koço Kokëdhima, por edhe ndonjë deputet që po largohet nga PS në ndonjë parti tjetër.

E gjithë kjo lëvizje i çon socialistët rreth 60 mandate duke krijuar një aleancë të re fluide, e cila mund të jetë mazhoranca e re, në rast se Ilir Meta do të mund të bashkojë të gjithë faktorët kundër kryeministrit Edi Rama. /Citynews





Lajmet e fundit nga