E fundit!

10:12 Politikë

Vrasja e efektivit në Maliq/ Lamallari: Dënoj aktin e rëndë, Shqipëria humbi një shërbëtor të ligjit

Ministri i Brendshëm, Besfort Lamallari, shprehu humbjen e...

Kontrabanda e cigareve/ Djali i Enver Hoxhës: Im atë e dinte se ç'bënte

16 Nëntor 2016, 07:24, Aktualitet CNA

?Im atë e dinte se ç?bënte?. Kështu shprehet djali i diktatorit Enver Hoxha, Iliri, në lidhje me vendimin e të atit për të lejuar kontrabandën e cigareve të huaja përmes Shqipërisë.

?Bar hamë dhe parimet nuk i shkelim?. Kjo është një nga thëniet e njohura të të diktatorit Hoxha, por do të ishte pikërisht ai që do të shkelte një nga parimet bazë të socializmit: ?Me forcat tona?.

Ndërsa trumbetonte me të madhe kapërcimin e çdo ?bllokade? të ngritur nga armiq të brendshëm dhe të jashtëm, kapitalisto-revizisionitë, pa ndihmën e askujt, Enver Hoxha e kishte kuptuar se kjo nuk ishte e vërtetë. Shqipëria, një vend i vogël, me një varfëri të trashëguar, që po ndiqte një rrugë që do e varfëronte më shumë, e kishte të pamundur të shylente borxhin e jashtëm. Kjo situatë do ta shtynte Enver Hoxhën të firmoste një marrëveshje jo të zakontë.

Ai firmosi krijimin e një korridori përmes Shqipërisë, që do të kalonte kontrabanda e cigareve. Ishte një hebre që i kishte mbijetuar nazistëve falë shqiptarëve, që do e bënte këtë propozim. Dhe maunet e cigareve amerikane do të fillonin rrugëtimin nëpër Shqipëri.

Kështu u themelua ndërmarrja ?Albatrans?,e cila më pas do të kalonte në varësi të Ministrisë së Brendshme, pasi si qëllim të punës së saj do të kishte edhe spiunazhin.

Në librin e tij, ?Albatrans, Top-Secret?, ish drejtuesi i saj, Lorenc Neshati, e quan Enver Hoxhën haptazi ?kumbarin? e kësaj pune.

E ndërsa Hoxha na del si shkelës parimesh, flet edhe djali i tij, Iliri, i cili justifikon të atin për vendimin e marrë.

?Për babain tim çfarë nuk është thënë këto vite. Ai e ka ditur se çfarë ka bërë, përderisa ka drejtuar një shtet të tërë për aq vite dhe në një periudhë shumë të vështirë për popullin shqiptar?, thotë për Panorama Ilir Hoxha.

Ndërkohë autori shprehet se ka patur njohje me djemtë e ish-diktatorit por edhe me djem të tjerë të udhëheqjes komuniste. /Citynews