web counter
LEXO PA REKLAMA!

SHKARKO APP

App Store
Google Play

E fundit!

x

Reshjet e shiut/ Ministri Dervishaj ndjek situatën në Durrës e Vlorë

8 Nëntor 2016, 20:58, Aktualitet CNA

Ministri I Transportit dhe Infrastrukturës Sokol Dervishaj, ka mbledhur ditën e sotme shtabin e emergjencave në Ministri, ku janë marrë një plan I gjerë masash, për përballimin e situatës në transportin rrugor, detar, digave dhe ujësjelllësat.

Më pas Ministri Dervishaj inspektoi punimet për pastrimin e rrugës në zonën e Shkëmbit të Kavajës. Dervishaj tha se situata është problematike në disa akse kombëtare, veçanërisht në veri dhe në Shqipërinë e Mesme. Por janë marrë të gjitha masat dhe ka angazhim maksimal nga Ministria dhe firmat kontraktore, për të kaluar këtë situatë. Dervishaj tha se aktualisht në terren janë shumë makineri dhe punonjës, por apeloi ndaj firmave që të angazhojnë  personel dhe makineri shtesë.

Ministri ndaloi në aksin rrugor Vlorë-Orikum, ku ndoqi nga afër punimet e firmës kontraktore për pastrimin e rrugës. Dervishaj tha se edhe në këtë qark, janë marrë masat për të mos patur probleme të bllokimit të rrugës, pasi në ditët në vijim priten rreshje të dendura.

Ministri vijoi më tej duke u ndalur në portin e Vlorës, ku si pasojë e stuhisë mëngjesin e sotëm, pati bllokim të 2 trageteve. Dervishaj tha se Autoritetet Portuale kanë reaguar menjëherë duke marrë masat e duhura për ankorimin e trageteve, si dhe po zbatohet një plan I gjerë masash për ditët në vijim. Dervishaj I bëri thirrje edhe operatorëve që të jenë të kujdesshëm veçanërisht në këto ditë emergjente.

Ndalesa e fundit ishte Porti I Durrësit ku Dervishaj u njoh nga afër me  masat e marra në këtë Port, që është dhe më I madhi në vend. Ministri kërkoi mirëkuptimin e udhëtarëve nëse do të ketë vonesa, si dhe siguroi se autoritetet kanë marrë masat e nevojshme për përballimin me sukses të situatës.





Lajmet e fundit nga