E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Tre pengesat e zhvillimit të Shqipërisë: Rusia, Greqia dhe Serbia/ Nga Spartak NGJELA

6 Nëntor 2016, 17:21, Aktualitet CNA

Yesterday! All my troubles seems so far away!? keshtu i kënduan Bitëllsat të djeshmes, e cila është rikthyer sërish për të sjellë këtë herë identitetin historik real të shqiptarëve në Ballkan.

Ashtu si edhe në vitin 1912-1913, përsëri edhe sot, tre janë pengesat e mëdha të zhvillimit shqiptar, shqetësimi i të cilave nuk na u largua kurrë ne shqiptarëve: Rusia, Greqia, Serbia

Atëherë, në mbrojtje të shqiptarëve ishte Austrohungaria dhe Gjermania. Sot janë Shtetet e Bashkuara dhe Gjermania. Por kundërshtarët janë sërish po ata. Veçse tani gjithçka ka tjetër forcë: shqiptarët nuk u asimiluan dot as në Serbi, as ne Greqi, as në Mal të Zi dhe as në Maqedoni. Në të njejtan kohë sot janë dy shtete shqiptare në Ballkan, dhe që të dy në aleancë të ngushtë politike me Shtetet e Bashkuara.

Vetë aleanca shqiptaro-amerikane, sa është jetike për shqiptarët, aq është dhe e rëndësishme për politikën amerikane. Rusia kërkon ekspansion në Ballkan se ka konstatuar krizën greke, prirjen perëndimor të Serbisë dhe Malit të Zi, dhe forcimin e shqiptarëve të cilët janë proamerikanët me të mëdhenj të historisë moderne

Kjo është përpjekje e kotë e Rusisë: shqiptarët do vijojnë të forcohen, dhe, prezenca ushtarake e Uashingtonit në Shqipëri, pritet të jetë e fuqishme dhe shumë e shpejtë. Kjo është arsyeja edhe e shpejtësisë që i duhet procedurës së Reformës në Drejtësi.

Tani po kuptohet qartë se forcat antiamerikane në Shqipëri janë pjesa e politikës së korruptuar shqiptare, të niveleve të larta që, me naivitetin e krimit, mendojnë ta gjejnë shpëtimin te nderhyrja Ruse në Ballkan.

Ndërkohë, politika amerikane duhet të denoncojë me emra korrupsionin dhe antiamerikanizmin në Tirane. Kjo eshte sot domosdoshmëri; kurse Kryeministri shqiptar, qeveria shqiptare dhe maxhoranca parlamentare duhet urgjentisht të fillojne procedurën për prezencën ushtarake amerikane në Shqipëri.

Kjo do të jetë koha historike e rikrijimit të suksesshëm të botës shqiptare në Ballkan. Shqiptarët sot janë më te fortë se kurrë: ata sot konsiderohen si të vetmit aleatë natyrorë të Perëndimit në Ballkan: domethënë, më për së pari, të Shteteve të Bashkuara të Amerikës në Ballkan.

Kjo është edhe arsyeja që korrupsioni shtetëror shqiptar nuk mund të ketë asnjë forcë. Ai duhet të dorëzohet sa më shpejt: çdo vonesë me sytë e tij të drejtuar nga veglat ruse në Ballkan, do t?iu kushtojë shumë shtrenjtë të korruptuarëve. /Citynews