web counter
LEXO PA REKLAMA!

SHKARKO APP

App Store
Google Play

E fundit!

x

Priten reshje të dendura shiu/ Ministria e Bujqësisë paralajmëron përmbytje

6 Nëntor 2016, 13:47, Aktualitet CNA

Në bazë të parashikimeve nga shërbimet meteorologjike në vend, ditën e hënë dhe të martë parashikohen reshje të dendura shiu në zonat veriore dhe verilindore të vendit. Reshjet e dendura që pritet të përfshijnë vendin, mund të krijojnë probleme në zonat e ulëta si Lezha e Shkodra.

Nisur nga këto parashikime Ministria e Bujqësisë i ka kërkuar Bordeve te Kullimit dhe strukturave të tjera që të jenë në gatishmëri, të mbajnë nën monitorim të vazhdueshëm hidrovoret, argjinaturat si dhe të kenë në gjendje punë të gjithë ekskavatorët.

Po ashtu, i është kërkuar edhe që të merren masa për furnizimin pa ndërprerje me energji elektrike të hidrovoreve në zonat e ulëta ndërsa ka vënë në dijeni edhe Shtabin e Emergjencave dhe kryebashkiakët e zonave të ulëta për situatën që mund të shkaktohet nga reshjet e shiut dhe masat që janë ndërmarrë për të përballuar këtë situata të pazakonte të reshjeve që pritet të bien në ditët në vijim.

Vetëm gjatë muajve të fundit me dhjetëra banesa dhe qindra hektarë tokë në qarkun Lezhë janë përmbytur disa herë si pasojë e reshjeve intensive. /Citynews





Lajmet e fundit nga