web counter
LEXO PA REKLAMA!

SHKARKO APP

App Store
Google Play

E fundit!

x

Flet ish-presidenti/ PS-LSI po i venë shkopinj nën rrota njëra-tjetrës

6 Nëntor 2016, 09:53, Aktualitet CNA

Në një intervistë për Panorama, ish-Presidenti Rexhep Meidani ka folur për zgjedhjet e ardhshme parlamentare, për rezultatin në rënie të PS-së, të cilën e quan ?një parti të uzurpuar nga kryetari?, i cili shpalos kudo ?demagogjinë e gënjeshtrën, arrogancën e cinizmin.?

Ish kreu i shtetit ka folur edhe bashkëjetesën PS-LSI ose Rama-Meta duke u shprehur se ndihen shkopinj nën rrota të njërës palë dhe tjetrës.

?Ndihen aty-këtu shkopinj nën rrota të njërës palë ndaj tjetrës, diku në mënyrë të tërthortë, diku në mënyrë të drejtpërdrejtë, në zë të parë, të dytë, të tretë. Kjo është deri diku e kuptueshme, nisur dhe nga rezultatet e cilësia e kësaj qeverisjeje, e manifestuar shpesh dhe si një pakënaqësi e dukshme qytetare?, shprehet Meidani.

Sa i përket një koalicioni të mundshëm PD-LSI, ish presidenti Meidani shprehet se kjo gjë do të vihet re më mirë pas zgjedhjes së presidentit, që sipas tij mund të ndodhë në muajt mars-prill.

?Sot nuk është e qartë, por as nuk duket oportune. Një përgjigje më realiste mund të jepet pas zgjedhjes së presidentit të ri, që normalisht, me ndryshimet kushtetuese duhet të ndodhë aty nga fundi i marsit apo fillimi i prillit. Konkretisht, në paragrafin e shtuar 2/1 në nenin 88 thuhet: ?Procedura për zgjedhjen e Presidentit fillon jo më vonë se 60 ditë para mbarimit të mandatit presidencial paraardhës. Kur mandati presidencial përfundon në gjashtë muajt që i paraprijnë fundit të mandatit të Kuvendit ekzistues, procedura për zgjedhjen e Presidentit fillon jo më vonë se 60 ditë para mbarimit të mandatit të Kuvendit?, deklaron Rexhep Meidani.

Ish-presidenti Rexhep Meidani e ka kritikuar ashpër dhe publikisht mënyrën se si e drejton Edi Rama PS-në, madje është takuar disa herë edhe me kreun e LSI-së Ilir Meta. /Citynews

 





Lajmet e fundit nga