web counter
LEXO PA REKLAMA!

SHKARKO APP

App Store
Google Play

E fundit!

x

Qytetarët e Alliasit në protestë/ PD: Korrupsioni, prioritet i Bashkisë së Tiranës

6 Nëntor 2016, 09:05, Aktualitet CNA

 

Banorët e Alliasit në Tiranë ankohen prej muajsh për shkak të lojerave të Bashkisë me devijimin e projektit të rrugëve në këtë zonë cka u ka perkeqësuar jetën. Ata thonë se prej dy muajsh është tejkaluar afati i punimeve, shtrimit të tubacioneve dhe asfaltimit.

Banorët janë të shqetësuar sepse projekti i miratuar 2 vite më parë është ndryshuar për shkaqe korruptive. Ata kanë kërkuar dëgjesë me kryetarin e bashkisë Erjon Veliaj, por nuk janë pritur dhe as nuk kanë mundur të ankohen për kushtet mesjetare në të cilat jetojnë, në zemër të kryeqytetit.

“Projekti i zgjerimit të rrugës ishte 11 metra, është bërë 9. Këto janë bërë për interesa të firmës. Duam që projekti të zbatohet me cilësinë e përcaktuar më parë”, shprehet nje banor.

“Kemi kohë që e presim këtë projekt, jo vetëm sot. Ky projekt që është ndryshuar nuk i sjell të mira askujt në këtë komunitet. S?jemi dakort. Më mirë ta lënë pa bërë”, ankohet nje qytetar i zonës.

Në këtë lagje te madhe të Tiranës jetojnë 1 mijë familje të cilët kërkojnë vetëm zbatimin e projektit përpara fillimit të dimrit, thuhet në njoftimin e Partisë Demokratike. /Citynews

 





Lajmet e fundit nga