web counter
LEXO PA REKLAMA!

SHKARKO APP

App Store
Google Play

E fundit!

x

FOTOT/ Meta dhe Kryemadhi në meshën e lumturimit të 38 martirëve të klerit katolik

5 Nëntor 2016, 20:22, Aktualitet CNA

Kryetari i Kuvendit, z. Ilir Meta së bashku me bashkëshorten e tij, znj. Monika Kryemadhi, morën pjesë në meshën e lumturimit të 38 martirëve të klerit katolik të pushkatuar nga regjimi komunist në Shqipëri në vitet 1945-1974 për shkak të besimit në fe.

Në meshën që u mbajt në katedralen e Shën Shtjefnit në Shkodër, ishin të pranishëm autoritete të larta të Vatikanit, klerikë nga vende të ndryshme të botës dhe drejtues të komuniteteve fetare në vend.

Meta përshëndeti lumturimin e 38 martirëve, duke u shprehur se ata janë një motiv krenarie për atë çka ato kanë bërë për vendin dhe se binomi ?Fe e Atdhe? është shprehje e identitetit të shqiptarit për ndërtimin e Shqipërisë së ëndrrave të tyre.

?38 martirët që sot lartësohen në altarët e Kishës Katolike, duhet të jenë për të gjithë një motiv krenarie për atë çka ato kanë bërë për lirinë e vendit tonë, duke u mbështetur në Zotin, por dhe shprehje e angazhimit tonë për të ndërtuar Shqipërinë me Zotin që ata ëndërronin. Binomi Fe e Atdhe është shprehje e identitetit të shqiptarit për ndërtimin e Shqipërisë së ëndrrave të tyre dhe njëkohësisht ëndrra e jonë?, – tha Kryetari i Kuvendit z. Ilir Meta.





Lajmet e fundit nga