web counter
LEXO PA REKLAMA!

SHKARKO APP

App Store
Google Play

E fundit!

x

PD drejt finalizimit të programit për zgjedhjet

5 Nëntor 2016, 17:41, Aktualitet CNA

Kreu i Partisë Demokratike, Lulzim Basha prezantoi të shtunën në mbrëmje modelin e zhvillimit që do të ofrojë opozita në zgjedhjet parlamentare të 2017-ës.

Basha tha se programi i kësaj force politike po hartohet me asistencën e ekspertëve të CDU-së së Angela Merkel.

?Projekti i programit të PD-së i përgjigjet sfidave me të cilat përballet Shqipëria. ?Duhet të kthejmë besimin tek politika, tek institucionet e demokracisë e tek nisma e lirë si domosdoshmëri për të kthyer rritjen e fuqishme ekonomike, si i vetmi gjenerues i mirëqenies, punësimit e zhvillimit?, deklaroi Basha.

Ai shtoi se për kthimin e besimit kishte biseduar gjatë edhe me përfaqësuesit e Partisë Kristian Demokrate gjermane të Merkel që, siç deklaroi Basha janë gjendur pranë përmes ekspertizës.

?Vlerësoj në rradhë të parë këshillën më kryesore të miqve tanë, dy ekspertëve: Jo premtime boshe, të rrejshme siç bëri dhe vazhdon çdo ditë qeveria aktuale. Angazhimet tona janë reale, konkrete, të matshme dhe të bëshme. Kemi diskutuar dhe punuar prej muajsh për të hartuar një program të zhvillimit ekonomik?, u shpreh Basha.

Ne besojmë, tha ai, tek modeli i ekonomisë së tregut si komponent i fuqishëm social, tek një shtet efikas, shërbëtor të qytetarëve e sipërmarrjes. Tatimet dhe taksat premtoi Basha, do të zënë pjesën më të vogël të kostos së qytetarëve dhe sipërmarrjes. ?Do të kthehemi tek taksa e sheshtë 9 % dhe TVSH-ja 15 %?tha Basha. Në të njëjtën kohë, ai premtoi se çdo vit do të bëhet e mundur hapja e 50 mijë vendeve të reja të punës dhe se paga minimale do të jetë 30 mijë lek.





Lajmet e fundit nga