web counter
LEXO PA REKLAMA!

SHKARKO APP

App Store
Google Play

Rrëfimi i punëtorëve të magazinës së drogës në Rrëshen/ Na kishin thënë se është sherbelë

6 Nëntor 2016, 08:14, Aktualitet CNA

Gjykata e Lezhës la në burg dje dy prej të arrestuarve në magazinën e drogës në Rrëshen dhe për 9 të tjerë vendosi ?detyrim paraqitje?.

Para trupit gjykues ata kanë qënë të gjithë në të njëjtën linjë.

?Nuk kishim asnjë mundësi punësimi për të përballuar jetesën e përditshme, u detyruam të pranojmë të punojmë në magazinën e drogës. Nuk e dimë se kush e kishte, por me një furgon shkonim çdo ditë duke punuar aty nga 6 deri në 8 orë në ditë për 2000 lekë,? ka thënë para trupit gjykues njeri prej të arrestuarve, përcjell Panorama.

Siela Bulica është njera nga gratë që punonte në magazinën e drogës.

Ajo tregoi se mendonte se po punonte në shërbelë, pasi kështu e kishin informuar në momentin kur i kanë punësuar.

?Bënim nga 6 deri në 8 orë dhe na paguanin nga 2 mijë lekë të rinj në ditë. Të them të drejtën puna aty ishte tepër e vështirë dhe kishte shumë lodhje, por ishim të detyruar të punonim për bukën e gojës, pasi nuk kemi asnjë të ardhur për të jetuar dhe iu gëzuam faktit se gjetëm punë. Jemi 20 vetë në një familje, pa punë, pa strehë. Unë nuk e kam ditur, pasi nuk më kanë thënë se aty përpunohej drogë. Mua dhe shumë punëtorëve të tjerë na kishin thënë se ajo është sherbelë. Unë nuk munda ta konstatoj se çfarë lënde ishte. Nuk e kisha parë asnjëhërë se si ishte droga, ndaj dhe unë vijoja duke punuar aty. Po ta dija, nuk do të kisha shkuar, pasi e di që është një gjë e paligjshme,? ka rrëfyer ajo para gjykatës. /Citynews





Lajmet e fundit nga