web counter
LEXO PA REKLAMA!

SHKARKO APP

App Store
Google Play

E fundit!

x

Shkelja e ligjit dhe skandali/ Ja pse Rama duhet të shkojë në mbledhjen e Këshillit të Sigurisë

3 Nëntor 2016, 19:13, Aktualitet CNA

Disa media raportojnë se kryeministri i vendit, Edi Rama, nuk do të marrë pjesë në mbledhjen e Këshillit të Sigurisë, të thirrur nga Presidenti i Republikës, Bujar Nishani.

Në ligjin 64/2014, neni 10, pika 3/b thekson se kryeministri është anëtar i këtij këshilli. Në pikën 5 të po këtij ligji thuhet:

?Në rast se anëtarët e Këshillit të Sigurimit Kombëtar për arsye objektive nuk mund të marrin pjesë në mbledhjet e Këshillit, ata autorizojnë zëvendësit e tyre, duke marrë miratimin paraprak të Presidentit?

Sipas këtij ligji, Presidenti është i vetmi person, i cili mund të japë aprovimin apo lejen kryeministrit të vendit që të zëvendësohet nga një person tjetër. Pra, pa pëlqimin e Presidentit, kryeministrin e vendit nuk mund ta zëvendësojë askush. Ajo çka raportohet në media, duket të jetë më shumë një lojë dhe presion i kryeministrit ndaj Presidentit të Republikës, i cili kalon përmes shkeljes së ligjit.

Në rast se kryeministri Rama nuk shkon në mbledhjen e Këshillit të Sigurisë, duke justifikuar me një ekspozitë pikturash në SHBA, ky do të ishte një akt i paprecedentë, i cili nuk ka ndodhur më parë në historinë e Shqipërisë. Ish-kryeministri Berisha, megjithëse e quajti në atë kohë Bamir Topin puçist, ai ka qenë gjithmonë prezent në mbledhjet e Këshillit të Sigurisë, apo Meta e Nano me Mejdanin dhe Nano dhe Berisha me Mojsiun.

Në rast se kreu i qeverisë gjen një sebeb apo arsye për një ekspozitë private për të braktisur Këshillin e Sigurisë, tregon se institucionet ku palët duhet të bashkohen, ato vazhdojnë të qëndrojnë larg dhe kryeministri të sillet si kryetar i vogël partie dhe inatçi që më shumë se sa siguria e vendit, i intereson shitja e zhgarravinave të tij me ekspozita që paguhen na lekët e taksapaguesve shqiptarë./citynews





Lajmet e fundit nga