E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ministrja Gjosha thirrje opozitës: Mos bojkotoni, Brukseli na ndjek

2 Nëntor 2016, 22:37, Aktualitet CNA

Ministrja e Integrimit, Klajda Gjosha kishte një thirrje të drejtpërdrejtë për opozitën që mos futet në bojkot parlamentar pasi kjo do të ndikonte negativisht në procesin e integrimit të Shqipërisë në BE.

Në studion e lajmeve të Ora News, Gjosha vlerësoi rolin që ka një opozitë, por tha se rruga më e mirë është dialogu dhe Kuvendi është vendi ku mund të dialogohet.

Gjosha u shpreh optimiste se në datën 9 nëntor Shqipëria do të marrë një rekomandim pozitiv nga BE, që më pas ne mbledhjen e dhjetorit të ministrave të Jashtëm të BE të hapet edhe rruga e negociatave.

“Unë jam optimiste sepse ne kemi punuar shumë që Shqipërisë ti jepet një rekomandim pozitiv këtë vjeshtë ose pas pak ditëshm, kur KE të raportojmë për ecurinë që Shqipëria ka pasor kohet e fundit. Ajo çka ndodhi me reformën në drejtësi ishte lajmi më i mirë për shqiptarët, por edhe për ndërkombëtarët të cilët kanë investuar te kjo reformë. 9 nëntori duhet të jetë ditë pozitive për shqiptarët.

Ky është vetëm hapi i parë i procesit, ku KE raporton mbi ecurinë që ka pasur Shqipëria për 5 prioritetet mbi kriterin ekonomik dhe politik. Nese do të marrim një rekomandim pozitiv, ky do të ishte një radhë të parë një vlerësim nga ana teknike e procesit dhe më pas do të kalojmë në Këshill ku do të jetë një takim në dhjetor me ministrat e Jashtëm të BE.

Ne do të kemi dy etapa që duhen kaluar. Kjo është vetëm faza e parë. Është fazë që i përket Ministrisë së Integrimit, koordinimit të punës që ne bëjmë për përmbushjen e rekomandimeve dhe më pas do të kalojmë një vendim të ministrave të jashtëm ku ai është dhe vendimi final nëse do të kemi çeljen e negociatave apo jo.

Ne duhet të tregohemi realist dhe modest në kryerjen e këtyre detyrave. Ky është një proces dhe asnjëherë nuk mund të kemi një [përmbushje në kuotën 100% sepse edhe vendet anëtare vazhdojnë dhe punojnë për luftën kundër korrupsionit, krimit, shtetin e së drejtës etj. Edhe Shqipëria nuk mund të themi si i ka plotësuar sepse kjo punë vazhdon. Por ne kemi arritur deri në atë pikë sat ë përmbushur në një mënyrë tejet të kënaqshëm për të kaluar në fazën tjetër.

Ne kemi përmbushur ato kritere për të kaluar në fazën tjetër, ajo e çeljes së negociatave. Kjo do ta bëjë dialogun më të thjeshtë me BE dhe do të jetë komunikim më i thjeshtë si me KE po edhe me vendet anetare. Faza që vjen është e vështirë. Kemi përpara 35 kapituj dhe duhet të bëhemi gati me strukturat negociuese.”